اسلام آباد۔ 19 فروری (اے پی پی) چیئرمین نیب جسٹس جاوید اقبال تون پاکستان اٹ قطر انا سفیر شیخ سعود عبدالرحمان الثانی جمعہ نادے آ نیب ہیڈکوارٹر اٹ اوڑدہی کرے و قطر و پاکستان نا نیام اٹ مفاہمت نا یات داشت آ عملدرآمد نا گمان آ گپ وتران کرے۔ داہیت آ امنا کننگاکہ پاکستان اٹ قطر انا سفیر شیخ سعود عبدالرحمان الثانی خاص وڑوڈول انا رداٹ مفاہمت نا یات داشت ءِ المی کاروائی کن گدریفک۔ قطر انا سفیر پارے کہ پاکستان اینٹی کرپشن اکیڈمی ءِ ہروڑ کمک فراوان کننگک۔ اوداباوری ہم کرفے کہ نیب انا آفیسر، عہدیدار آتے قطر انا اہم ادارہ خاص کر رول آف لاء اینڈ اینٹی کرپشن سینٹر قطر اٹ تربیت نا آسراتی فروان کننگ آ سجفنگک۔ چیئرمین نیب جسٹس جاوید اقبال قطر انا سفیر نا کنڈآن قطر و پاکستان نا نیام اٹ تعلقداری تے پین سوگو کننگ کن کروک آ کوشست آتا ستاءِ کرے۔
