اسلام آباد۔ 19 فروری (اے پی پی) صدر مملکت ڈاکٹرعارف علوی ویتنام تون اقتصادی و واپاری تعلقداری تیٹی گچینی اتنگ نا گرج آ زور شاغسا پارینے کہ پاکستان ہڑتوم آ کنڈآتا و کثیر الجہتی تین پہ تینی رابطہ غاتا غٹ بشخ آتیٹی ویتنام تون تعلقداری تا قدر ءِ کیک۔ او ویتنام اٹ پاکستان نا پندار سفیر ثمینہ مہتاب تون گپ وتران کریکہ ہرا جمعہ نادے آ داڑے اوڑتون اوڑدہی کرے۔ صدر مملکت پارے کہ ویتنام تون اقتصادی و واپاری تعلقداری تیٹی گچینی اتنگ نا گرج ءِ، پاکستان ہڑتوم آ کنڈآتا و کثیر الجہتی تین پہ تینی رابطہ غاتا غٹ بشخ آتیٹی ویتنام تون تعلقداری تا قدر ءِ کیک۔ اوپارے کہ تین پہ تینی فائدہ غاتا غٹ بشخ آتیٹی ہڑتوم آ کنڈآتا تعلقداری تے پین ودفنگ نا گرج ءِ۔ صدر عارف علوی پارے کہ پاکستان نا کاروبار دوست چاگرڈ اٹ ویتنام نا کاروباری برادری کن بےحد وارخواہی ساڑی ءِ۔ پندار سفیر ملکی شرف و مثبت تاثر تالان کننگ کن کاریم کے۔ اوپارے کہ پاکستان نا سیل و سوات نا بشخ بھاز لائخی تخک، گندھارا تہذیب سیل و سواتی تیکن پرکشش سیل و سواتی ہند اس مننگ کیک۔ صدر عارف علوی پارے کہ بڑزکو کہول آ ہڑتوم آ کنڈآتا سیاسی و دودوبیدہ تبادلہ غاتا گرج ءِ، اومیت ءِ پندار سفیر ویتنام تون ہڑتوم آ کنڈآتا تعلقداری تے مون آ دننگ کن کاریم کیک۔
