پشاور۔ 18 فروری (اے پی پی) بنجائی وزیر حوالکاری و شینکاری سینیٹر شبلی فراز پارینے کہ اپوزیشن نا لٹ وپل نا سوب آن پاکستان وامدار مس، مستین حکمران تا شاہ خڑچی تیان خڑچ آک ودار، وزیراعظم تینا اُراٹی رہینگک، ہچ ءُ کیمپ آفس اس اف، تحریک انصاف نا اولیکو دے آن موقف مسنے کہ گچین کاریک اوپن بیلٹ انا کمک اٹ مریر۔ او پنچ شنبے نادے آ پشاور اٹی میڈیا تون گپ وتران کریکہ۔ بنجائی وزیر حوالکاری و شینکاری سینیٹر شبلی فراز پارے کہ مچ آ ملک اٹی جان جوڑی نا نظام اٹ گچینی اتنگ اُن، جان جوڑی کارڈ بے پرخ ہرخاہوت ءِ تننگ انگ ءِ ولے سندھ اٹ جان جوڑی نا نظام بھاز خراب ءِ۔ اوپارے کہ خیبرپختونخوا ٹی ہشت سال آن ننا حکومت ءِ، صوبہ ٹی تحریک انصاف نا حکومت ہربشخ اٹ کاریم کرے۔ اوپارے کہ مستین اٹ ہندا جماعت آک اوپن بیلٹ نا حق اٹ ئسر ولے ہندن کہ حکومت دا بابت پبی گام گیج آتا بناءِ کرے تو ہندا اپوزیشن اوپن بیلٹ نا مخالف مس۔ داڑآن پاش مریک اپوزیشن ملک اٹ شفاف گچین کاری خواپک۔ سینیٹر شبلی فراز پارے کہ عمران خان وڈی خوری نا چٹفنگ کن جہد کرے داسہ الیکٹرانک وونٹنگ نا کمک اٹ گچین کاری تیٹی شفافیت اتنگ کن جہد نا بناءِ کرینے۔
