اسپیکر قومی اسمبلی اسد قیصر و ڈپٹی اسپیکر قاسم خان سوری نا سینیٹر مشاہداللہ خان نا کزیت آ است ہسونی نا درشان

اسلام آباد۔ 18 فروری (اے پی پی) اسپیکر قومی اسمبلی اسد قیصر و ڈپٹی اسپیکر قاسم خان سوری ایوان بالا نا باسک سینیٹر مشاہداللہ خان نا کزیت آ است ہسونی نا درشانی ءِ کرینو۔ اسپیکر و ڈپٹی اسپیکر ایماندار نا خاہوت نا پن تینا جتا جتا ہڑزخواہی کلہو آتیٹی مشاہداللہ خان نا کزیت آ ہڑزخواہی نا درشانی ءِ کرینو۔ اوفک پاریر کہ مشاہداللہ خان ایوان بالا نا اسہ فعال ءُ باسک اس ئس۔ اونا کزیت آن پارلیمان اسہ متحرک ءُ سیاسی راہشون اسے آن محروم مسنے۔ ایماندار نا سیاسی و راجی خذمت آتے مدام یات تخنگک۔ اسپیکر و ڈپٹی اسپیکر اللہ تعالیٰ آن ایماندار نا بخشش و پدسلوک آتیکن داناقابل تلافی نسخان ءِ سگنگ و صبر جمیل کن دعا کریر۔