اسلام آباد۔ 18 فروری (اے پی پی) چیئرمین سینیٹ محمد صادق سنجرانی ایوان بالا نا باسک و پاکستان مسلم لیگ (ن) نا سینئر راہشون مشاہداللہ خان نا کزیت آ است ہسونی نا درشانی ءِ کرینے۔ پنچ شنبے نادے آ تینا ہڑزخواہی کلہو اٹی چیئرمین سینیٹ پارے کہ مشاہداللہ خان ایوان بالا نا اسہ فعال ءُ باسک اس ئس۔ اونا کزیت آن ملک اسہ مدبر ءُ سیاست دان و نن اسہ جوان ءُ سنگت اسے آن محروم مسونن۔ سینیٹر مشاہداللہ خان نا کزیت ننکن ڈکھیا نا ساہت اسے۔ اوپارے کہ مشاہداللہ خان نا ملکی سیاست و پسماندہ تپہ غاتیکن خذمت آتے مدام یات تخنگک۔ اودعاکرے کہ اللہ تعالیٰ ایماندار نا بخشش ءِ کے و اودے جنت الفردوس اٹ جاگہ ایتے۔ اوایماندارسینیٹر نا خاہوت، عزیز و قریب آتیکن صبر و جمیل نا دعاہم کرے۔
