اھوال: حافظ اعجاز بشیر
رجانک: اورنگزیب اسلم بلوچ
سیل ءُ سواد بنی آدم ءَ را سک وش بیت ایشی ءَ سسا ساچ ءُ زانشت ءِ تہ ءَ گیشی بیت۔ دگنیا ءِ بازیں ملک سیل ءُ سواد ءِ دیمروئی ءُ ایشرا برجمیں بنیات ءَ دیمروئی دیان ءَ وتی معیشت ءَ را دیمروئی داتگ ءُ سیل ءُ سواد ءِ رد ءَ اربانی ڈالر ھمک سال کٹ کنگ ءَ آں۔ سیل ءُ سواد ءِ ھوالگ ءَ استیں تاجگیں ھساب ءُ داد آنی رد ءَ سپر پاور امریکہ سیل ءُ سواد ءِ جیڈھ ءَ مھکم انت ءُ سیل ءُ سواد ءِ پڑ ءَ دو کھرب ڈالر کمائینان ءَ لڑ ءَ اول نمبر ءَ انت۔ چوش کہ ھواریں جی ڈی پی ءِ یک درسد ات وھدیکہ مالدیپ ایوک ءَ 2.7 ارب ڈالر ھمک سال سیل ءُ سواد ءَ چہ کمائین ایت پدا ھم ایشی ءِ کلی کمائی ءِ 60 درسد انت سما بیت کہ درستی آمدنی ملک ءِ سیل ءُ سواد ءِ پڑ ءَ چہ کٹ کنگ بوھگ ءَ انت۔ امریکہ ءَ چہ پد سپین ءُ فرانس سیل ءُ سواد ءِ کمائی ءَ یک شلی ءَ دومی نمبر ءِ سر ءَ انت۔
پاکستان ءِ سر ڈگار ءَ جوانیں سیل ءُ سوادی ھند ءُ دمگ ءُ ملکی سیل ءُ سوادی پڑ ءَ را دیمروئی دیگ ءِ واستہ مزن وزیر عمران خان ءَ لستیں ماہ آنی تہ ءَ یک ٹوھیں پیسلہ ءِ کتگ ءُ سیل ءُ سواد ءِ ھوالگ ءَ حکومتی اول سرئی کار آناں پکوئیں رنگ دیگ ءِ واستہ مزن تکی راجی رابطہ کمیٹی برائے سیل ءُ سواد جوڑ کتگ۔ بنجاھی ءُ صوبائی نماھند آنی کمیٹی ءِ زمہ واری آنی تہ ءَ راجی سیل ءُ سوادی گامگیج آںی سر ءَ چار ءُ بچار ءُ صوبائی ءُ دمگی تک ءَ جتا جتائیں گامگیج ءُ راجی گامگیج ایشانی تہ ءَ ھوار انت۔
مزن وزیر ءَ اے وژن ءَ را پنجاپ ءَ ھم دیم ءَ جنزینگ ءَ انت ایش سیل ءُ سواد ءِ ھوالگ ءَ جوانیں پڑ، کوہ ءُ ریکستانی دمگ آں چہ مالا مال انت۔ سروزیر پنجاپ عثمان بزدار ءِ پنت ءُ شون ءِ پد ءَ صوبائی محکہ سیل ءُ سواد، سیل ءُ سوادی پڑ آںی دیمروئی ءِ واستہ ٹوھیں کرد ءِ پیلو کنگ ءَ انت۔
لستیں سال ءَ پیسر ءَ تاں پاکستان ءَ اگاں کجام ھم سیل ءُ سواد ءِ باروا جست گرگ بوت گڈا زہن ءَ ایوک ءَ کوھی دمگ اتکگ انت بلے نوں سیل ءُ سواد کوہ ءُ گیابان آں ابید میدانی دمگ ءُ ریکستان ھم دلگوش انت۔ ایشی ءِ سرجمیں کوشست صوبائی سیل ءُ سوادی جھلی ادارگ آنی کوپگ ءَ انت۔ یات دارگ بہ بیت کہ پنجاپ ءَ اولی سیل ءُ سواد ءِ شوبگ ءَ سپورٹس ءَ گوں بندوک انت پدا ھم پی ٹی آءی ءِ استیں حکومت ءَ اے شوبگ ءِ دیمروئی ءِ واستہ اپریل 2020 ءَ چہ یک جتائیں محکمہ ءِ جوڑ کتگ، ایشی ءِ سئے شوبگ انت ایشانی تہ ءَ ٹورازم ڈویلپمنٹ کارپوریشن آف پنجا (ٹی ڈی سی پی )، آرکیالوجی ڈائریکٹوریٹ ءُ ٹورسٹ سروسز ھوار انت۔ صوبگ ءَ سیل ءُ سواد ءِ دیمروئی ءِ واستہ استیں کامیاتی در جتگ انت وھدیکہ آیوکیں باندات ءِ واستہ بازیں اے رنگیں منصوبگ بست ءُ بند کتگ انت ایشانی تہ ءَ یک شلی ءَ گوں کار بوت گڈا سیل ءُ سواد ءِ شوبگ ءَ آشوب ءِ اتک کنت۔
ٹی ڈی سی پی ءَ بازیں دمگ آناں ساپ ءُ سینگار کتگ ءُ سیل ءُ سوادی ھند ءِ تہ ءَ مٹ کتگ، اے دمگ آںی ساپ ءُ سینگار ءَ جوانیں منصوبگ بندی ءُ دیمروئی کار آںی بنگیج ھم کتگ۔ ایشانی تہ ءَ کوٹلی ستیاں، چکوال، خوشاب، کوہ سلیمان، فورٹ منرو ءُ لالا باغ میانوالی ءِ دیمروئی کار آنی بنگیج بوتگ۔ استیں مالی سال ءَ ایش سرجم اوست کنگ بوتگ انت۔ ایشی ءَ ابید نیک راھی سیل ءُ سواد ءُ راجدپتری سیل ءُ سواد ءِ دلگوش ءَ را دلبڈی دیگ بوتگ۔
سیکرٹری سیل ءُ سواد، لیب ءُ گوازی ءُ ورنا آنی کار احسان بھٹہ ءَ “اے پی پی ” ءَ گوں تران کنان ءَ گوشت کہ مزن وزیر عمران خان ءُ سر وزیر پنجاپ سردار عثمان بزدار ءِ سروکی ءَ استیں حکومت سیل ءُ سواد ءِ دیمروئی ءِ واستہ توامیں آسراتی آناں کارمرد کنگ ءَ انت، سیل ءُ سواد ءِ گہتری ءِ واستہ امینکیاس گامگیج حکومت ءَ چست کتگ ایشی ءَ چہ پیسر اچ حکومت ءَ نہ کتگ، مزن وزیر ءِ وژن ءُ سر وزیر ءِ پنت ءُ شون ءِ رد ءَ آئی ءِ حکومت ءَ پنجاپ ءِ اولی سیل ءُ سوادی پالیشی منظور کنائینت۔ ایشی ءِ پد ءَ رند ءِ بنگیج بوتگ۔ آئی ءَ گوشت کہ اے وھد ءَ پنجاپ ءَ سیل ءُ سواد ءِ شوبگ ءَ را یک سیت مندیں ءُ معاشی دیمروئی ءِ در جنگ ءِ واستہ موہ ءُ ازم کاریں شوبگ ءِ منگ بوھگ ءَ انت ءُ ایشی ءِ واستہ گامیگیج آںی سر ءَ دلگوشی دیگ بوھگ ءَ انت۔ احسان بھٹہ ءَ گوشت کہ میاں اوستمانی بنک ءِ منصوبگ پنجاپ ٹورازم فار اکنامک گروتھ پروجیکٹ ءِ چیر دستی ءَ زر امبار آنی تہ ءَ گیشی ءِ واستہ نوکیں سیل ءُ سوادی بنجاھی جوڑ کنگ بوھگ ءَ انت، سیل ءُ سواد ءِ اندر ءَ پرائیویٹ سیکٹر ءِ دلبڈی کنگ بوھگ ءَ انت، شالا مار باغ ، شاہی قلعہ ، روہتاس قلعہ، ٹیکسلا ءِ میوزیم یونیسکو ءِ لڑ ءَ ھوار انت ایشانی برجائی ءِ وستہ کار جاڑی انت۔ مری ءَ سیل ءُ سوادی مردم آںی رش ءِ سبب ءَ بازیں جیڈھ آنی گوما دیم پہ دیمی کنگ کپ ایت اے جیڈھ آناں گیوار کنگ ءِ واستہ کوٹلی ستیاں دمگ ءِ دیمروئی ءِ سر ءَ کار جاڑ انت اے رد ءَ یک دگ ءِ جوڑ کنگ بوھگ ءَ انت ۔ ھمے رنگ ءَ ڈی جی خان ءَ کوہ سلیمان ءِ دمگ ءَ فورٹ منرو ءِ کوہ آنی دمگ آں، خوشاب ءِ اندر ءَ سون ویلی ءَ را سیل ءُ سواد ءِ واستہ جوانیں موہ ءِ جوڑ کنگ ءِ واستہ دیمروئی کار بنداست کنگ بوتگ انت۔
آئی ءَ گوشت کہ صوب ءَ نیک راھی سیل ءُ سواد ءِ دیمروئی ءِ وستہ ھم جتا جتائیں گامگیج چست کنگ بوھگ ءَ انت، محکمہ اوقاف ءِ گوما یکجاھی ءَ نیک راھی سیل ءُ سواد ءِ دیمروئی ءِ واستہ ننکانہ صاحب، سچاسودا، مانوالہ، کوٹ مٹھن ءُ مریم آباد ءَ 6 روڈ جوڑ کنگ بوھگ ءَ انت تانکہ مردم آناں آوانی نیک راھی ھند آں تاں روگ ءُ آیگ ءِ آسراتی بہ بیت۔
آئی ءَ گوشت کہ پنجاپ ءِ راستیں پجار ایشی ءِ جوانیں دود ءُ ربیدگی مڈی انت۔ آرکیالوجی ڈائریکٹوریٹ ءَ دود ءُ ربیدگی مڈی ءِ رکھینگی ءُ برجائی ءُ مردم آناں سیل ءُ سواد ءِ پجاری کنگ ءِ واستہ 13 جتا جتائیں ھند ، ہرن مینار ، شالامار باغ، جہانگیر ءِ قلات، نورجہاں ءِ قلات، ہڑپہ ، ٹیکسلا ءِ میوزیم ءُ مغل گارڈن ھوار انت، ایشاں ھوار ایلومینیشن ءِ منصوبگ بندات کتگ انت۔ سیکرٹری سیل ءُ سواد ءَ گوشت کہ پی ایچ اے ءِ گوما یکجائی ءَ توامیں سیل ءُ سواد آنی سر ءَ ہارٹیکلچر ءَ را دیمروئی دیگ بوھگ ءَ انت تانکہ مردم آناں جوانیں ھند آں گوں پجاروکی کنائینگ بہ بیت۔
آئی ءَ گوشت کہ ٹورسٹ سروسز، ٹریولز ایجنسی ءُ ہوٹل آںی رجسٹریشن ءِ واستہ آن لائن سروسز پجاری کنگ بوھگ ءَ انت ایشی بدولت ءَ دور ءُ گستائیں دمگ آں گوں سیادی داروکیں مردم آناں گس ءَ نندان ءَ آن لائن رجسٹریشن کنان ءَ وتی کاروبار بندات کت کناں۔ آئی ءَ گوشت کہ منی واھشت انت کہ پجاب ءِ سیل ءُ سواد ءِ شوبگ ءَ جوانیں کرد پیش داروکیں صوبگ ءِ جوڑ بیت۔ آئی ءَ گوشت کہ صوبگ ءَ سیل ءُ سواد ءِ ھواریں 128 سیکیم آںی بندوبست ءُ برجائی ءِ سر ءَ کار جاڑی انت ایشانی تہ ءَ 12 سکیم سرجم بوتگ انت، ٹیکسلا ءُ ہڑپہ ءَ میوزیم گس آں آڈیٹوریم جوڑ کنگ بوتگ انت۔ گجرات ءَ میوزیم ءُ گلر کہار میوزیم ءِ ساپ ءُ سینگار کنگ بوتگ۔ جام پور ڈی جی خان ءَ کدئی ءَ چہ بدھ مت سیویلائزیشن ءُ گران بھائیں سامان دست کپتگ انت۔
ایم ڈی ٹی ڈی سی پی محمد تنویر جبار ءَ ھم اے رد ءَ جوانیں واھشت ءِ درشان کنان ءَ گوشت کہ جوانیں ٹیمب ءِ جوڑ کنگ بوتگ تانکہ سیل ءُ سوادی مردم آنی پجاری بہ بیت۔ پبلک پرائیویٹ پارٹنر شپ ءِ چیر دستی ءَ پرائیویٹ سیکٹر ءِ گوما جتا جتائیں ایم او یو سائن کنگ بوتگ۔ ایشانی تہ ءَ آن لائن بکنگ ءُ ٹرانسپورٹ ءُ گس ءِ آسراتی پجاری ءِ گوما ٹی ڈی سی پی ءِ مڈی آناں جوانیں کمپنی آںی دراج بریں لیز ءِ سر ءَ دیگ ھوار انت۔ ایشی ءِ مول ءُ مراد جوانیں آسراتی ءِ پجاری ءُ سرمایہ کاری انت۔ سیل ءُ سواد ءِ ھوالگ ءَ نوکیں کورسز آن لائن کنائینگ بوھگ ءَ انت ءُ سرجمیں ملک ءَ ہزار ورنا آناں سیل ءُ سواد ءِ ھوالگ ءَ جتا جتائیں ڈسپلن ءِ زانشت دیگ بوھگ ءَ انت۔
ملکہ کوہسار مری ءَ را ملک ءِ ایندگر سیل ءُ سوادی ھند آنی تہ ءَ مزنیں نام ءُ بستار ءِ است انت ءُ اے ھند ءَ کدرتی رد ءَ جوان ءُ شر رنگ انت۔ اے دمگ ءَ سیل ءُ سوادی مردم آنی سک باز رش ءُ کش انت۔ پتریاٹہ ءِ سیل ءُ سوادی دمگ ءَ چیئر لفٹ سیل ءُ سوادی مردم آناں سک باز دوست بنت، ریجنل منیجر ٹی ڈی سی پی، مری اعباز بٹ پتریاٹہ دمگ ءَ را سیل ءُ سوادی مردم آنی واستہ جوانیں رنگ ءَ برجا دارگ ءِ واستہ شپ ءُ روچ واھشت ایگ انت، چیئر لففٹ ءُ کیبل کار محکمہ ءِ واستہ جوانیں ریونیو پیداک کنگ ءَ انت۔ سیل ءُ سوادی مردم ادا چیئر لفٹ، کیبل کار ءُ سفاری ٹرین ءَ گوں سک باز واھشت دار انت۔
صوبگ ءِ ریکستانی دمگ چولستان وتی واجیں شر رنگی، شاھیگانی ءِ رد ءَ جوانیں بستار ءِ سیل ءُ سوادی مردم آنی رد ءَ دار ایت۔ اے دمگ ءَ چولستان جیپ ریلی ءِ برجائی ءَ چہ سک باز نامدار بوتگ۔ اے ریلی ءِ بست ءُ بند محکمہ ٹورازم پنجاپ ءِ کوشست ءَ چہ بست ءُ بند کنگ بوتگ۔ ایش کامیاتی ءَ گوں جاڑی انت۔ ملک ءِ بازیں دمگ ءَ سدانی مردم اے ریلی ءَ بھر زوری ءُ ایشی تماشہ چارگ ءِ واستہ بہاولپور نخلستان ءَ پج اتگ انت۔ ایشی ءَ ھوار دراوڑ ءِ قلات ھم باز ڈولدار انت۔ اے وھد ءَ ایش سک باز رش ءُ کشت بیت۔ ادا مردم دود ءُ ربیدگی پوشاک ءُ سامان بھا ءُ سیم کن انت۔ سیل ءُ سوادی مردم آنی آسانی ءَ گوں اے دمگ ءِ آیگ ءِ واستہ جوانیں دگ جوڑ کنگ ءُ آسراتی پجاری ءِ رد ءَ جوانیں دلگوشی دیگ بوتگ۔ لاہور ءَ چہ پد راولپنڈی / اسلام آباد ءَ ڈبل ڈیکر بس بندات کنگ بوتگ ءُ آیوکیں فیز ءَ بہالپور ءَ ڈبل ڈیکر بس چلائینگ بندات کنگ بیت۔ ایشی ءَ چہ ناں ایوک ءَ آسانی بیت بلکینگ ءَ جوانیں سیل ءُ سوادی ھند آنی نیمگ ءَ دلگوشی کنائینگ ءَ کمک رسیت۔
ریسٹ ہاوسز یک زمانگ ءِ الس ءِ واسزتہ یک واب ءُ دور ءُ گستائیں گپ ءِ بوتگ بلے پنجاپ حکومت ءِ پنت ءُ شون ءِ پد ءَ محکمہ سیل ءُ سواد ءَ سرجمیں صوبگ ءَ 179 ریسٹ ہاوسز آناں الس ءِ واستہ پچ کتگ۔ ایشانی تہ ءَ مری ءِ گورنمنٹ گس ھم ھوار انت۔ شہر آن لائن بکنگ کنائینگ ءَ گوں اے ریسٹ ہاوسز آنی تہ ءَ ارزانی ءَ گوں پرائس ءَ چہ سیت چست کت کناں۔ شہری آن لائن بکنگ کنائنت ءُ اے ریسٹ ہاوسز آنی تہ ءَ ارزانی ءَ پرائس آں چہ سیت چست کت کناں وھدیکہ ٹورسٹ سروسز اے شوبگ ءَ نوکیں ہوٹل ءُ ریزارٹس ءِ رجسٹریشن ءِ سر ءَ ھم دلگوشی دیگ بوتگ ایشی ءِ واستہ 6 سپروائزر کار کنگ ءَ انت۔ ملتان، فیصل آباد ءُ راولپنڈی ءَ اے مول ءُ مراد ءِ واستہ سئے ریجنل کارگس ھم جوڑ کنگ بوتگ انت۔ ایشی ءَ ابید ہوٹلز، ریسٹورینٹس ءُ ریزارٹس آنی آن لائن رجسٹریشن ءِ واستہ پنجاپ انفارمیشن ٹیکنالوجی بورڈ ءِ ازمت در جنگ بوتگ انت۔ پنجاپ ءِ تاریخی ءُ سیل ءُ سوادی ھند آنی لڑ ، اکس ویڈیوز، ڈاکومنٹریز ء سرجمیں ھال ویب سائٹ ءِ سر ءَ اپ لوڈ کنگ بوتگ انت ءُ سرجمیں دگنیا ءَ مردم نوں انٹرنیٹ ءِ وسیلگ ءَ نزیکی ءَ وتی ٹور بزاں تر ءُ گرد ءَ را بند ءُ بست کت کناں۔
امیت کنگ بیت کہ بنجاھی ءُ صوبائی حکومت آنی جوانیں گامگیج آنی بدولت ءَ پنجاپ ءَ ملکہ کوہستار مری ءَ چہ بگر تاں چولستان ءُ فورٹ منرو ءَ تاں جوانیں نیک راھی، دود ءُ ربیدگی ءُ راجدپتری ءُ سیل ءُ سوادی ھند آںی دیمروئی ءُ سیل ءُ سواد ءِ دیمروئی ءَ را گہتریں آسراتی ءِ پجاری ءَ چہ مردم آناں سیل ءُ سواد ءِ سامان پجاری ءَ گوں راجی معیشت ءَ را دیمروئی رسیت۔
