اسلام آباد۔ 17 فروری (اے پی پی) بنجائی وزیر انسانی حق ڈاکٹر شیریں مزاری نا کماشی ٹی معذور بندغ آتا حق انا بابت کونسل (سی آر پی ڈی) نااولیکو دیوان چارشنبے نادے آ داڑے وزارت انسانی حق اٹی اڈ ہلک۔ دیوان اٹی قومی اسمبلی و سینیٹ نا باسک ، وزارت حوالکاری، خزانہ، تعلیم نا نمائندہ غاتون اوار چیئرمین سی ڈی اے، انسٹیٹیوٹ آف ری ہیبلی ٹیشن میڈیسن نا ایگزیکٹو ڈائریکٹر و معذور بندغ آک بشخ ہلکر۔ یات سلے کہ معذور بندغ آتا حق انا بابت کونسل آئی سی ٹی رائٹس آف پرسنز آف ڈس ایبلٹی ایکٹ 2020ء نا رداٹ ٹہیفنگانے ہرانا اطلاق ستمبر 2020ء ٹی کننگاسس۔ دا کانود اسلامی جمہوریہ پاکستان نا دستور نا رداٹ معذور بندغ آتا حق و شمولیت ءِمون آ دننگ و رکھ ءِ پک کننگ کن ءِ۔ پاکستان معذور بندغ آتا حق انا بارواٹ اقوام متحدہ نا کنونشن (یو این سی آر پی ڈی) نا 2011ٹی توثیق کریسس۔ دیوان اٹی کونسل نا کڑد وافعال آ چکار کننگا۔ باسک آتے پی ڈبلیو ڈی نا بابت کانود جوڑ کننگ نا ساڑی حالیت و ادارہ جاتی میکنزم نا بارواٹ حوال تننگا۔ دیوان نا ایجنڈا ٹی سی آر پی ڈی نا قاعدہ نا تیاری تون اوار سی آر پی ڈی سیکرٹریٹ نا جوڑ کننگ و طبی تشخیصی بورڈ انا پوسکن ٹہیفنگ کون آ معاملہ غاتیا سجفنگا۔ دیوان اٹی سلاہ تننگاکہ بورڈ اٹ چناتا چاہندار و نیوروفزیشن کون آ پین اسپیشلسٹ ڈاکٹر آتے ہم اوار کننگے و داتشخیص نا وڑوڈول ءِ اپ گریڈ کننگ نا گرج ءِ۔ سی آر پی ڈی نا اہم امور اٹ ایکٹ نا موثر نفاذ و معذور بندغ آتا حق ءِ گچین وڑاٹ پک کننگ کن اسہ کانودی و ادارہ جاتی فریم ورک نا تیاری ٹی حکومت نا کمک ءِ اوار کننگ اوار ءِ۔ کونسل نا مسخت کانود و پالیسی تا گچین نفاذ نا جاچ ءِ ہلنگ ناءِ۔
