راولپنڈی۔ 17 فروری (اے پی پی) بنجائی وزیر سائنس و ٹیکنالوجی فواد حسین چوہدری پارینے کہ راج آن انفرادیت ءِ چٹفنگ نا چکر اٹ نن ٹیکنالوجی نا بزنس ءِ بھاز زہمی کرینن، مستین اٹ عدالتی فیصلہ غاتیان جہانی کہول آ ٹیکنالوجی کمپنی تتون ننا تعلقداریک زہمی مسر اگہ ننا عدالت آک زموارانہ رویہ اختیار کریرہ تو سائنس و ٹیکنالوجی نا دور اٹ نن بھاز انگا ہدف آتے دوئی کرینہ عدالت آک ٹیکنالوجی نابا بت کیس انا بننگ ءِ ہلار، ریاست ہر گڑاءِ ریگولیٹ کننگ کپک نن راج آن تنوع(DIVERSITY) ءِ چٹفن، سیاسی و زرگزرانی آجوئی انسان اٹ نکھار ودی کیک ننا آخبت بائیو ٹیکنالوجی و کمپیوٹر سائنس آتیٹی اودیم ءِ ہنداخاطرآن طالب علم آک سائنس و ٹیکنالوجی نا بشخ آتیٹی مون آ بریر۔ داخیال آتا درشانی ءِ او چارشنبے نادے آ فاطمہ جناح ویمن یونیورسٹی راولپنڈی ٹی اِرادے ئی انٹرنیشنل میڈیا کانفرنس نا بنائی سیشن آن تران کرسا کرے۔
