وزارت واپار24 فروری آ کولمبو، سری لنکا ٹی واپاری و زرکاری کانفرنس اس اڈتننگ ءِ، عبدالرزاق داؤد

اسلام آباد۔ 17 فروری (اے پی پی) وزیراعظم نا سلاہکار واپار وزرکاری عبدالرزاق داؤد پارینے کہ وزارت واپار 24 فروری آ کولمبو، سری لنکا ٹی واپاری و زرکاری کانفرنس اس اڈتننگ ءِ۔ چارشنبے نادے آ تینا اسہ ٹویٹ اسے ٹی عبدالرزاق داؤد پارے کہ دا کانفرنس وزیراعظم عمران خان نا دورہ سری لنکا نا وخت آ اڈ ہلیک۔ پاکستان نا پنی آ پوریاگرتیا تالان اسہ ڈل اس ہم کانفرنس اٹ بشخ ہلیک۔ اودااومیت نا درشانی ءِ کرے کہ داڑآن ہڑتوم آ ملک آتا نیام اٹ گچین تعلقداری پین کڑمب مریک۔ عبدالرزاق داؤد مستی پارے کہ پاکستان سری لنکا و آزاد واپاری معاہدہ نا کمک اٹ واپار اٹ پین ودکی مریک۔