بھارت سفارتکار آتا دورہ غا سرینگر آن فوجی بنکر آتے اسہ کنڈ کرسا جعلی امن نا عکس بندی ءِ کننگ ءِ، شہریار خان آفریدی

اسلام آباد۔ 17 فروری (اے پی پی) پارلیمانی کشمیر کمیٹی نا چیئرمین شہریار خان آفریدی پارینے کہ کشمیر اٹی سفارتکار آتا دورہ نا وخت آ فوجی بنکر آتے اسہ کنڈ کرسا بھارت جعلی امن نا عکس بندی ءِ کننگ ءِ، بھارت جوان چائے راست ءِ ڈکھنگ مفک۔ چارشنبے نادے آ بھارتی غیر کانودی مقبوضہ جموں و کشمیر اٹ سفارت کار آتا سکرپٹڈ دورہ غا شہریار خان آفریدی ٹویٹ اٹی پارے کہ سفارتکار آتا دورہ غان مست مقبوضہ کشمیر اٹ ہمو سڑک آتیان فوجی بنکر آتے اسہ کنڈ کننگا ہراکان سفارتکار آتا گدرینگ انگ ئس۔ شہریارخان آفریدی پارے کہ بنکر آتے ہرفنگ نا مسخت سفارت  کار آتا مون آ مقبوضہ کشمیر اٹ امن نا جعلی عکس ءِ پیش کننگ ءِ، بھارت جوان چائے کہ سچ ءِ ڈکھنگ آن ڈکھنگ مفک و وار وار آ دروغ تڑنگ آن او راست جوڑ مفک۔