بنجائی وزیر توانائی عمرایوب خان تون پاکستان اٹی متحدہ عرب امارات نا سفیر عماد عبید ابراہیم سالم الزابی نا اوڑدہی

اسلام آباد۔ 17 فروری (اے پی پی) بنجائی وزیر توانائی عمرایوب خان تون پاکستان اٹی متحدہ عرب امارات نا سفیر عماد عبید ابراہیم سالم الزابی چارشنبے نادے آ داڑےاوڑدہی کرے و پاکستان اٹی پٹرولیم تون اوار توانائی نا بشخ اٹی کمکاری نابابت باندات آ گپ وتران کرےو پاکستان اٹ توانائی نا بشخ اٹی پین زرکاری ٹی است خواہی نا درشانی ءِ کرے۔ اوڑدہی ٹی بنجائی وزیر توانائی مریخ آ خلائی مشن نا گدریفنگ آ متحدہ عرب امارات نا سفیر ءِ مبارکبادی تس۔ متحدہ عرب امارات نا سفیر پارے کہ ہڑتوم آ ملک آتا نیام اٹ توانائی نا بشخ اٹی کمکاری آن اقتصادی رابطہ غاتے مون آ دننگ دوئی مریک۔