اسلام آباد۔ 16 فروری (اے پی پی) بنجائی وزیر سائنس و ٹیکنالوجی چوہدری فواد حسین پارینے کہ پاکستان حلال اتھارٹی (پی ایچ اے) کن سلاٹر ہاؤس آتے آسراتی فراوان کننگ کن تیار اُن۔ سے شنبے نادے آ داڑے اولیکو سلاٹر ہاؤس کانفرنس آن تران کرسا اوپارے کہ وزارت حلال گڑاتا برآمد و واپار ءِ مون آ دننگ کن پاکستان حلال اتھارٹی (پی ایچ اے) اس جوڑ کرینے انتئے کہ پروسیسڈمیٹ سیکٹر اسہ اہم ءُ بشخ اسے۔ اوپارے کہ پی ایچ اے ءِ ساہدار تا ویکسین و ساہدار تا خور آ کاریم کروئی مرے انتئے کہ دا گچین وارخواہی نا بھلو کاروبار اسے۔ پی ایچ اے ءِ کاروباری وارخواہی تا پٹنگ کن سرکاری و نجی کمکاری نا ہم گرج ءِ۔ اومستی پارے کہ ننے چین و خلیج کمکار کونسل ملک آتون ہم واپار ءِ ہدف جوڑ کروئی مرے ہراڑے سُو انا برآمد آتا بھلو لائخی اس ارے۔ ڈائریکٹر جنرل پاکستان حلال اتھارٹی اختر اے بوگھیو پارے کہ جہانی منڈی ٹی حلال واپار نا مالیت لگ بھگ اسہ کھرب ڈالر ءِ۔ زیات تر،غیر مسلم ملک آک حلال واپار اٹ نمان کڑد ادا کننگ ءُ۔
