سینیٹ نا گچین کاری تیکن حکمران پاکستان تحریک انصاف غٹ آن زیات اومیتدار میدان اٹ دڑفینے، مسلم لیگ ارٹ میکو نمبر آ

اسلام آباد۔ 16 فروری (اے پی پی) مسہ مارچ آ سینیٹ گچین کاری تیکن غٹ آن زیات اومیتدار حکمران پاکستان تحریک انصاف میدان اٹ دڑفینے ہرافتا کچ 52 ءِ وخت اس کہ مسلم لیگ ن 19 اومیتدار آتون ارٹ میکو نمبر آٹی ءِ۔ یک شنبے نادے آ پندار کاغد آتا جمع کرفنگ نا آخیریکو دے ئس۔ کل 170 اومیتدار پندار کاغد آتے جمع کرفینو۔ پی پی پی 18 اومیتدار آتون مسٹ میکو نمبرآٹی ءِ۔ بلوچستان آن حکمران بی این پی 16، پی ٹی آئی اِرٹ، جمعیت علمائے اسلام ف 5، بی این پی مینگل پنچ، عوامی اِرٹ، اے این پی مسٹ، آزاد اِرٹ، جمہوری وطن پارٹی، ہزارہ ڈیموکریٹک پارٹی اسہ اسہ اومیتدار میدان اٹ دڑفینو۔ خیبرپختونخوا آن پی ٹی آئی 23، پی پی پی مسٹ، اے این پی مسٹ، جے یو آئی 8، مسلم لیگ ن مسٹ، جماعت اسلامی اسٹ و آزاد اومیتدار 9 میدان اٹی ءُ۔ سندھ آن پی پی پی نا 14، ایم کیو ایم 10، پی ٹی آئی 12، جی ڈی اے 2 و تحریک لبیک نا اسہ اومیتدار اس میدان اٹی ءِ۔ ہنداوڑ پنجاب آن پی ٹی آئی نا 15، مسلم لیگ ن 12، مسلم لیگ ق 1 اومیتدار آتون میدان اٹی ءُ۔ اسلام آباد آن پی پی اسٹ، پی ٹی آئی پنچ و مسلم لیگ ن نا چار اومیتدار میدان اٹی ءُ۔