اسلام آباد۔ 16 فروری (اے پی پی) وزیر خارجہ مخدوم شاہ محمود قریشی سے شنبے نادے آ مصر انا اِرادے ئی دورہ غا روانہ مس۔ روانگی آن مست ویڈیو کلہو اٹی وزیر خارجہ پارے کہ مصر مسلم امہ نا اسہ اہم ءُ ملک اسے ہرادے افریقہ نا ’’گیٹ وے‘‘ ہم پاننگک۔ زرگزرانی سفارت کاری ءِ مون آ تخسا، افریقی ملک آتون واپار نا مون آ دننگ ننا حکومت نا اہم اولیت آتیٹی اوار ءِ۔ اوپارے کہ ای مصری وزیر خارجہ نا سلہ غا مصر انا اِرادے ئی دورہ آ روانہ مننگ اٹی اُٹ تانکہ دااہم ملک اتون رابطہ غاتے مون آ دننگ مرے۔ ہڑتوم آ ملک آتا نیام اٹ زرگزرانی کمکاری نا مون آ دننگ نا بابت بے پناہ گمان ارے۔ وزیر خارجہ پارے کہ مصر انا وزیر خارجہ تون اوڑدہی کیوہ و ہڑتوم آ کنڈآتا تعلقداری نا بابت سرجم گپ وتران کیوہ۔ جامعہ الازہر ہِننگ نا ارادہ ءِ ننا است خواہی ءِ کہ نن تعلیمی بشخ اٹی اونا آزموندہ غاتیان فائدہ ہرفنگ کین۔ مصر اٹی کنا بزنس کمیونٹی تون اوڑدہی مریک و میڈیا نمائندہ غاتون گپ وتران نا موقع اس ہم ملک۔
