اسلام آباد۔ 16 فروری (اے پی پی) بنجائی وزیر حوالکاری و شینکاری سینیٹر شبلی فراز پارینے کہ اینو نن پارلیمانی تاریخ نا اہم ءُ موڑاسے آ سلوک اُن، ہراڈے دا فیصلہ کروئی ءِ کہ السی نمائندہ غاک اہلیت و میرٹ نا بنداو آ پارلیمان اٹ بریرہ یا ہڷ و تس انا کمک اٹ بریرہ۔ سے شنبے نادے آ بنجائی وزیر سینیٹر شبلی فراز تینا ٹویٹ اٹی پارے کہ اوپن بیلٹ انا مخالف آک ملک اٹ ہموکرپٹ نظام نا چرجوئی ءِ خوارہ ہرانا برخلاف عمران خان جنگ انا پڑو ءِ کرینے۔
