اسلام آباد۔ 16 فروری (اے پی پی) سی پیک ڈٹ انا رداٹ پاکستان نا کروٹ ہائیڈرو پاور پروجیکٹ آن 720 میگاواٹ بجلی ہلنگک، ہرا 1.74 ارب ڈالر آن تفنگ انگ ءِ ہراڑآ کاریم نا پیش رفت برجاءِ۔ سی پیک اتھارٹی کمامدارآتا رداٹ 5 ملین نا آبادی ءِ کلین اینڈ گرین انرجی نا فراوانی پک مریک۔ دا ڈٹ آن کم و ود 4500 مخلوق ءِ روزگار نا وارخواہی رسینگانے۔ سی پیک نا رداٹ کروٹ ہائیڈرو پاور پروجیکٹ آ ترندی اٹ کاریم برجاءِ۔ داہیت ذکر اناقابل ءِ کہ سی پیک نا رداٹ کروٹ ہائیڈرو پاور اسٹیشن کن سپل وے روڈ پول انا بناءِ کننگ نا کمک اٹ کروٹ ہائیڈرو پاور ڈٹ انا تفنگ اٹ اہم ءُ مزل نا نشان اس طے کننگانے۔ 867دے انا تفنگ آن پد سپل وے روڈ پول پورو مسنے و باضابطہ وڑاٹ ٹریفک کن ملنگانے۔ پاکستانی و چینی کارندہ غاک کوویڈ۔ 19 نا تالانی آن پد ہم تعمیراتی کاریم ءِ برجاتخانو۔ کروٹ ہائیڈرو پاور اسٹیشن ہرا سی پیک نا رداٹ اسہ اہم ءُ ڈٹ اسے چین گیزوبا گروپ کمپنی(سی جی جی سی) نا کمک اٹ تفنگ انگ ءِ۔
