کوئٹہ۔ 16 فروری (اے پی پی) بلوچستان اسمبلی نا حلقہ پی بی 20 پشین تھری نا ضمنی گچین کاری کن پولنگ برجاءِ، نشست جے یوآئی نا باسک اسمبلی سید فضل آغا نا کزیت آن خورک مسوسس۔ سرجم حوال آتا رداٹ بلوچستان اسمبلی نا حلقہ پی بی 20 پشین تھری ناضمنی گچین کاری کن اینو سے شنبے نادے آ پولنگ بناکرے ہرا شام انا 5 بجہ اسکان برجاسلک۔ضمنی گچین کاری تیٹی 27 اومیتدار بشخ ہلنگ ءُ۔ پی بی 2 پشین تھری ٹی ووٹر آتا کچ 99 ہزار 849ءِ، حلقہ پی بی 20 پشین تھری نا ضمنی گچین کاری کن ٹوٹل 113 پولنگ اسٹیشن ءُ ہرافتیان نرینہ غاتیکن 45، زالبول آتیکن 37 و اسیجائی 31 پولنگ اسٹیشن جوڑ کننگانے۔ ڈپٹی کمشنر قائم خان لاشاری نا رداٹ مسہ پولنگ اسٹیشن بھاز حساس، 90 حساس و 20 ء نارمل گوندنگانے، ضمنی گچین کاری کن سخت سیکورٹی بست وبند کننگانے۔ ڈپٹی کمشنر قائم لاشاری نا رداٹ حلقہ ٹی 450 ایف سی و 510 لیویز کارندہ تعینات کننگانے۔
