اسلام آباد۔15فروری (اے پی پی): مزن وزیر عمران خان ءَ گوشت کہ گریبیں الس ءَ را ریلیف پجاری کنگ حکومت ءِ اول سرئی کار انت، الس ءِ سر ءَ باریں ٹیکس آنی بار ءِ تہ ءَ کمی آرگ ءِ ھوالگ ءَ شو ر ءُ مشور کنگ بیت، گندم ءِ سر ءَ ھرچ بوھوکیں ھرچ ءُ درچ آنی سر ءَ سرجمیں رنگ ءَ چار ءُ بچار کنگ بہ بیت ءُ انچیں کار رپک ءِ جوڑ کنگ بہ بیت کہ یک یک کلدار ءِ بچارینگ بہ بیت۔ آئی ءَ اے ھیالانی درشانی دو شمبے ءَ ادا بنیاتی وردنی سامان آنی نیاد ءِ تہ ءَ کمی آرگ ءِ ھوالگ ءَ حکومتی معاشی ٹیمب ءِ دیوان ءِ سروکی ءَ کنان ءَ کت۔ دیوان ءَ بنجاھی وزیر قتصادی کار مخدوم خسرو بختیار، وزیرھزانگ ڈاکٹر عبدالحفیظ شیخ، بنجاھی وزیر منصوبگ بندی اسد عمر، مزن وزیر ءِ مشیر ڈاکٹر عشرت حسین، مشیر برائے تجارت عبدالرزاق دائود، گورنر سٹیٹ بنک، ھاسیں کمکار ڈاکٹر وقار مسعود، ندیم بابر ۔ تابش گوہر ءُ کلانہ ایں اپسرگ آں بھر زوری کت۔
