پاکستان ءَ انٹرنیشنل کرکٹ برجا بوھگ ءَ انت، گیش انٹرنیشنل ٹیمب ھم لیب ءُ گوازی ءِ واستہ کاینت، سینیٹر فیصل جاوید

اسلام آباد۔15فروری  (اے پی پی):پاکستان تحریک انصاف ءِ سروک سینیٹر فیصل جاوید ءَ گوشت کہ پاکستان ءَ انٹر نیشنل کرکٹ برجا بوھگ ءَ انت، پاکستان ءَ گیش انٹرنیشنل ٹیمب ھم گوازی ءِ واستہ کاینت۔ اے گپ آئی ءَ دو شمبے ءَ  ادا سپریم کورٹ ءِ ڈن ءَ میڈیا ءَ گوں تران کنان ءَ کت۔ ساوتھ افریقن کرکٹ ٹیمب ءِ ھلاپ ءَ ٹیسٹ ءُ ٹی ٹونٹی سیریز باج برگ ءِ   پد ءَ گرین شرٹس آناں مبارک بات پیش کنان ءَ آئی ءَ  دوئیں ایونٹ آنی تہ ءَ  جوانیں لیب  بست ءُ بند کنگ ءِ پد ءَ پاکستان کرکٹ بورڈ ءِ کوشست آناں ساڑات۔ سینیٹر فیصل جاوید ءَ گوشت کہ مزن وزیر عمران خان ءَ گوشتگ بوتگ کہ ملک  ءَ میاں اوستمانی کرکٹ برجا بیت، پاکستان انٹرنیشنل  ٹیمب ھم پاکستان ءَ لیب ءُ گوازی کنگ ءَ کاینت۔