اسلام آباد۔15فروری (اے پی پی): وزیر ءِ درئی کار مخدوم شاہ محمود قریشی مرچی سئے شمبے ءَ وتی مصری ھمکار سامح شکری ءِ ھاسیں دعوت ءِ پد ءَ مصر ءِ 3 روچی تر ءُ تاب ءَ روادگ بیت۔ ترجمان ءِ رد ءَ وزیر ءِ درئی کار ءَ اے تر ءُ تاب، مزن وزیر عمران خان ءُ مصری صدر عبدالفتاح السیسی ءِ نیام ءَ او آئی سی مکہ سمٹ 2019 ءُ یونائیٹڈ نیشن ءِ جنرل اسمبلی ءِ نیویارک ءَ برجم بوھوکیں 74 ھپتاد ءُ چارمی دیوان ءِ موہ ءَ بوھوکیں گند ءُ نند ءِ رد ءَ بوھگ ءَ انت۔ وزیر ءِ درئی کار شاہ محمود قریشی تر ءُ تاب ءِ موہ ءَ وتی ھمکار آنی گوما سرجمیں رنگ ءَ شور ءُ مشور آں ابید مصر ءِ ایندگر ٹوھیں کارندہ آں گوں گند ءُ نند کنت۔ وزیر ءِ درئی کار مصر ءِ کاروبار ی مردم ءُ پاکستان ءِ لڈ ءُ بار کنوکیں مردم آں گوں گند ءُ نند کنت۔ امیت انت کہ تر ءُ تاب ءَ چہ پاکستان ءُ مصر ءِ نیام ءَ جتا جتائیں شوبگ آنی توک ءَ دو نیمگی یکوئی گیش برجم بنت۔ مصر نیامی رودراتک ءُ افریقہ ءِ یک ارزشتی ایں ملک ءُ نیامی رودراتک ءَ جوانیں کرد پیلو کنگ ءَ انت۔ دو شمبے ءَ وتی یک بیانے ءِ اندر ءَ وزیر ءَ درئی کار ءَ گوشت کہ پاکستان ءُ مصر ءِ نیام ءَ دو نیمگی براتی ءُ یکوئی گوستگیں باز کوھنین انت۔
