اسلام آباد۔ 15 فروری (اے پی پی) وزیراعظم عمران خان پارینے کہ جنوری 2021ء ٹی پیشن نا ملک پاکستانی تاترسیلات زر انا کچ 2 ارب 27 کروڑ ڈالر مس ہرا جنوری 2020ء نا مقابلہ ٹی 19 درسد زیات ءُ۔ دوشنبے نادے آ تینا ٹویٹ اٹی اوپارے کہ ترسیلات زر انا کچ پدریسہ ہشت میکو تُو ہم اِراارب ڈالر آن زیات مسنے ہراڑآ ای پاکستانی پردیسی تا منت واراُٹ۔ وزیراعظم عمران خان پارے کہ اینخو مالی سال اٹی داتم اسکان پاکستانی پردیسی تا ترسیلات زر تدوک آ سال انا ہندا مد انا مقابلہ ٹی 24 درسد زیات ءُ ہرا اسہ ریکارڈ اسے۔ اوپارے کہ صنعتی بشخ آن ہم گچین ءُ خبر ءُ ہراڑے نمو ٹی تسلسل ءِ، لارج اسکیل مینو فیکچرنگ ہم دسمبر 2020ء ٹی ڈبل دیجٹ اٹ بس و اوٹی 2019ء نا مقابلہ ٹی دسمبر 2020ء ٹی 11.4 درسد ودکی مس۔ اینخو مالی سال اٹی جولائی آن دسمبر نمو نا شرح جم وڑاٹ 8 درسد آن زیات مس۔
