کوئٹہ۔ 15 فروری (اے پی پی) بلوچستان آن سینیٹ گچین کاری 2021ء کن 25 اومیتدار پندار کاغد جمع کرفینو، جنرل نشست کن 10 و ٹیکنوکریٹ کن 4 اومیتدار بشخ ہلنگ ءُ وخت اس کہ زوال آتا نشست کن 6 اومیتدار آتیٹی مقابلہ مننگ ءِ، اقلیت آتا اسہ نشست کن 5 اومیتدار پندار کاغد جمع کرفینو۔ سینیٹ گچین کاری تیٹی بلوچستان اسمبلی ٹی باسک آتا کل کچ 65 ءِ وخت اس کہ بلوچستان اسمبلی پی بی 20 آن باسک اسمبلی سید فضل آغا نا کزیت آن خور مروک آ نشست آ گچین کاری 16 فروری آ مریک۔ مخلوط حکومت اٹ اوار 6 جماعتی سیوت نا باسک آتا کچ 41 ءِ۔ صوبائی اسمبلی ٹی اپوزیشن باسک آتا کچ 23 ءِ۔ الیکشن کمیشن اومیتدار آتے پارٹی سرٹیفکیٹ ہم پندار کاغد آتون جمع کرفنگ نا پارت، بلوچستان آن 7 جنرل نشست آتیا پوسکن آ سینٹر آتا گچین کاری مریک۔ بلوچستان آن ٹیکنو کریٹ آتا 2 نشست آتیا پوسکن آ سینیٹر آتا گچین کاری مریک۔ بلوچستان آن زالبول و اقلیت آتا اسٹ، اسٹ سیٹ اکن پوسکن آ سینیٹر آتا گچین کاری مریک۔
