اسلام آباد۔14فروری (اے پی پی): مزن وزیر عمران خان ءَ سرکاری اپسرگ آنی نیمگ ءَ السی شکاست آناں وھد ءُ موہ ءِ سر ءَ گیوار نہ کنگ ءِ پد ءَ ترندیں نوٹس زرتگ ءُ جوانیں کزبی کار کرد پیش نہ دارگ ءِ پد سرکاری اپسرگ آنی ھلاپ ءَ کاروائی کنگ بوتگ۔ یک شمبے ءَ مزن وزیر کارگس ءِ نیمگ ءَ جاڑی بوتگیں بیان ءِ رد ءَ چیف سیکرٹری پنجاپ ءَ چیر دستیں 1586 اپسرگ ڈیشن بورڈ ءِ پٹ ءُ پول سرجم کتگ ءُ مزنوزیر پرفارمنس ڈیلیوری یونٹ ءِ رپوٹ مزن وزیر ءَ را پیش کنگ بوتگ۔ رپوٹ ءِ رد ءَ 263 اپسرگ آنی کار کرد ءِ بنیات ءَ وارننگ ، 7 سرکاری اپسرگ آناں شوکاز نوٹس جاڑی کنگ بوتگ۔ مزن وزیر کارگس ءِ نیمگ ءَ 833 اپسرگ آناں گہتر بوھگ ءِ پنت ءُ شون کنگ بوتگ وھدیکہ 111 اپسرگ آں چہ پسو لوٹ کنگ بوت۔ مزن وزیر کارگس ءَ 403 سرکاری اپسرگ آنی کار کرد ءَ را ساڑاھگ بوت۔ رپوٹ ءِ رد ءَ سیکرٹری اھوالکاری، کشت ءُ کشار، ایکسائز ءُ سیکرٹری آپ ءِ محکمہ ءَ را کار کرد ءَ را گہتر کنگ ءِ ھوالگ ءَ آرڈر جاڑی کنگ بوتگ۔ یات دارگ بہ بیت کہ مزن وزیر کابینہ دیوان ءِ ساھت ءَ سرکاری اپسرگ آنی ھرابیں کار کرد ءِ سر ءَ نوٹس زرتگ بوتگ۔ بنجاھی وزیر ءَ ھم بیوروکریسی ءِ نہ وشیں ڈیوٹی ءِ پد ءَ شکاست کتگ بوتگ۔ مزن وزیر کارگس ءِ نیمگ ءَ ڈپٹی کمشنر لاہور، گجرات، شیخوپورہ ءَ ھوار پنجاپ ءِ 20 ڈٌپٹی کمشنر آناں نبشتانک جاڑی کنگ بوتگ ایشی اندر ءَ ایشاناں پنت ءُ شون کنگ بوتگ کہ توامیں اپسرگ الس آناں گہتریں آسراتی ءِ پجاری ءِ واستہ کار کرد ءَ را گہتر جوڑ بکن انت۔ اسٹنٹ کمشنر رائیونڈ، لیہ، جھنگ، بوریوالا، صادق آباد، ننکانہ صاحب، پنڈی گھیب ءَ ھوار 43 اسٹنٹ کشمنر آناں شوکار نوٹس جاڑ کنگ بوتگ۔ وارننگ لیٹر جاڑی کنگ ءِ مول ءُ مراد توامیں اپسرگ آناں ترسینگ انت۔ مزن وزیر کارگس ءِ رد ءَ مزن وزیر ءِ وژن ءِ رد ءَ الس آناں آسراتی پجاری کنگ ءِ واستہ گامگیج کنگ بوھگ ءَ انت۔
