ننکانہ صاحب ۔14فروری (اے پی پی): بنجاھی وزیر منشیات ءِ گر ءُ دار بریگیڈیئر (ر) اعجاز احمد شاہ ءَ گوشت کہ پی ڈی ایم ءَ ھواریں گل آنی دو تل ءُ دو پوستی سرجمیں راج ءَ دیستگ، مزن وزیر عمران خان سینیٹ الیکشن ءَ زرءِ کرد ءَ را ھلاس کنگ لوٹ ایت۔ شمبے ءِ روچ ءَ ادا میڈیا ءَ گوں تران کنان ءَ بنجاھی وزیر ءَ گوشت اپوزیشن گل آں سینیٹ ءِ اسلام آباد ءِ سیٹ آنی واستہ ھما امیت وار نامینتگ اَنت ایشانی بابت ءَ ھمک پاکستان زانت۔ آئی ءَ گوشت کہ گچین بوتگیں جمہوری حکومت آناں اپوزیشن ءَ چہ اچ بیم نیست انت، اپوزیشن ءِ اندر ءَ اچ وڑیں دم نیست انت۔ آئی ءَ گوشت کہ پاکستان تحریک انصاف سینیٹ الیکشن ءَ جوانیں کامیاتی در جنت۔ سئے مارچ ءَ سینیٹ الیکشن ءِ آسر آں چہ پد اپوزیشن ءِ بچتگیں شرپ ھلاس بیت۔ بنجاھی وزیر ءَ گوشت کہ مزن وزیر عمران خان ءَ ویڈیو سکینڈل ءِ پٹ ءُ پول ءُ راستی ءَ را سہرا کنگ ءِ واستہ پٹ ءُ پولی کمیٹی جوڑ کنگ بوتگ۔
