ملتان۔14فروری (اے پی پی): مزن وزیر ءَ پیسریگیں ھاسیں کمکار، نامداریں سیاسی سروک ءُ پاکستان تحریک انصاف ءِ کلانہ ایں باسک نعیم الحق ءِ اولی سالروچ مرچی 15 فروری ءَ برجم دارگ بوھگ ءَ انت۔ آ 15 فروری 2020 ءَ بلڈ کینسر ءِ سبب ءَ بیران بوتگ۔ نعیم الحق دو سال ءَ چہ اے نادُراھی ءِ آماچ بوتگ۔ آ 11 جنوری 1949 ءَ کراچی ءَ پیداک بوتگ ءُ وانگ ءُ زانگ ءِ سروجم کنگ ءَ چہ پد لندن ءَ شتگ۔ لندن ءَ نندگ ءِ ساھت ءَ آئی ءَ مزن وزیر عمران خان ءَ گوں دوستی بوتگ اے زمانگ ءَ آئی ءَ کاونٹی کرکٹ لیب کتگ۔ نعیم الحق ھما لستیں مردم آنی تہ ءَ یکے بوتگ کہ آواں عمران خان ءِ گوما یکجائی ءَ پاکستان تحریک انصاف ءِ بنیات ءَ را ایر کتگ ءُ ملک ءِ اندر ءَ مٹ ءُ بدلی ءِ واب ءُ ھیال دیستگ۔ 2018 ءِ گچین کاری ءَ چہ پد آ عمران خان ءِ یک دل یکیمیں دوست آنی تہ ءَ یک ءِ بوتگ۔ آئیءَرا مزن وزیر ءِ سیاسی کار آنی ھاسیں کمکار ءِ نامینگ بوتگ ات۔
