رپورٹ :خرم شہزاد
میاں اوستمانی ھوپ کورونا وائرس ءَ سرجمیں دگنیا ءَ دیمروئی کنوک ءُ نوک دیمروئی کنوکیں ملک آں ھوار کساس سرجمیں د گنیا ءَ را وتی گوما پتاتگ، پاکستان اللہ تعالیٰ ءِ فضل ءُ کردم ءُ جوانیں گامگیج آ نی سبب ءَ کورونا ءِ اولی ءُ دومی فیز ءَ چہ ما الکاپی ءَ رکھ اتگ آں ، جوانیں گامگیج آنی سبب ءَ ایشی گیش شنگ ءُ تالانی گر ءُ دار انت، ویکسین ءِ در جنگ ءَ چہ گیش بے دروریں کامیاتی رسگ ءَ انت۔ مزن وزیر عمران خان ءِ نیمگ ءَ پاکستان ءَ کورونا ءِ ھوپ ءِ ساھت ءَ روزگار ءُ معیشت دوئین آنی چکر ءِ ھمگونگی ءَ گوں جوانیں ءَ چلگ ءَ انت ءُ نیشنل کمانڈ اینڈ آپریشن سینٹر این سی او سی ءُ راجی رابطہ کمیٹی ءِ جوڑیشت کنگ بوتگ ۔ اے فوررم ءَ مزن سول ءُ اردئی سرو، صوبائی حکومت، وزارت جان سلامتی ءَ ھوار توامیں سٹیک ہولڈر آنی سرجمیں کمک رسگ ءَ انت۔ این سی او سی ءِ پلیٹ فارم ءِ دراج بُریں ءُ دلبڈیں تک آں سر بوھگ ءَ انت، سٹیک ہولڈر آنی شور ءُ مشور، کلانہ آنی شور ءُ مشور ءَ چہ پد وت مہ وتی پیسلہ آنی رد ءَ مرچی پاکستان کورونا وائرس ءِ ویکیسنشن ءِ بے دروریں تک آنی سر ءَ سر بوتگ۔ اے رد ءَ اے دگنیا ءِ 8 جوانتریں ویکیسن آں چہ 4 ویکسینز در جنگ ءَ کامیاتی بوتگ۔ لوٹ کتگیں ویکسین گوزوکیں سال ءَ فیز آنی تہ ءَ پاکستان ءَ پج انت، اے سال 70 درسد آباتی ءَ را ویکیسن جنگ ءِ سیم سر گیشینگ بوتگ۔ نیشنل ایمونائزیشن منیجمنٹ سسٹم ءِ سر ءَ انوگ ءَ تاں 5 لکھ 11 ہزار طبی کارندہ رجسٹرڈ بوتگ انت، منوگر بوتگیں کار رپک ءِ رد ءَ اولی فیز ءَ رجسٹرڈ جان سلامتی کارندہ آنی ویکیسنیشن سرجم کنگ بیت، کورونا وائرس ءَ چہ رکھینگ ءِ واستہ ایوک ءَ یک رند ءِ ویکسین جنگ بیت، کورونا ویکسینیشن ءَ چہ پد یک کارڈ ءِ جاڑی کنگ بیت، ایش ڈن ملک ءَ سفر کنگ ءِ وھد ءَ سرجمیں دگنیا ءَ منگ بیت۔
چین پاکستان ءِ لائک ءِ بیسہ ئی دوست ات، دگنیا ءَ ایوکیں ملک پاکستان انت کہ آئی ءَ را چین ءَ کورونا وائرس ءَ چہ رکھینگی ویکیسن ءِ 5 لکھ وراک داد کتگ۔ داد کتگیں ویکیسن فرنٹ لائن ہیلتھ ورکرز آنی جنگ ءِ کار بنجاھی دارالحکومت ، چاریں صوبگ آں ھوار آزات جموں کشمیر ءُ گلگت بلتستان ءَ بندات کنگ بوتگ۔ چینی ویکیسن سائنو فارم SinoPharm) ءُ ( Cansino) ءِ 20، 20 ملین ڈوز گوزوکیں سال ءَ بھر بھر آنی تہ ءَ پاکستان ءَ پج انت، ٹرائل تھری ءِ تجروبت ءَ چہ سہرا بوتگ کہ اے ویکیسن 86 درسد جوان انت۔ چین ءِ سرکاری دو جوڑ کنوکیں کمپنی ءِ نیمگ ءَ جوڑ کتگیں کورونا ویکیسن سائنو فارم ءَ را رکھینگ ءِ واستہ دو ءَ بگر تاں ھشت ڈگری سینٹی گریڈ گرمی پکار بیت۔
مزن وزیر عمران خان ءَ ملک ءَ کورونا ویکسینیشن گامگیج ءِ بندات کت۔ اے رد ءَ برجم داشتگیں دیوان ءَ گوں گشتانک دیان ءَ مزن وزیر ءَ گوشت کہ کورونا ویکسین ءَ را صوبگ آنی اندر ءَ بھر ءُ بانگ ھمکچ ءُ دل یکیمی کنگ بہ بیت، آئی ءَ گوشت کہ معاشی چست ءُ ایر آنی گوما وانگ ءُ زانگی ادارگ ھم پچ کنگ بوتگ انت، کورونا کیس آنی تہ ءَ کمیگ بوھگ ءَ انت، آئی ءَ شون دات کہ ھوپ ءَ چہ رکھینگ ءِ واستہ الس ماسک ءِ کارمردی ءَ ھوار رکھینگی گامگیج آنی پد ءُ رندی ءَ بکن انت، مزن وزیر ء۔ گوشت کہ ویکسین ءِ 5 لکھ ڈوز ءِ پجاری کنگ ءِ پد ءَ چین ءِ شگر ءُ منت وار آں۔
بنجاھی وزیر منصوبگ بندی، دیمروئی ءُ گہتری کار ءُ گامگیج اسد عمر چوش کہ نیشنل کمانڈ اینڈ آپریشن سینٹر این سی او سی ءِ چیئر مین ھم است انت، آئی ءَ گوشتگ کہ پاکستان ءُ چین ءِ جھلانکیں یکوئی است انت، ویکسین داد ءُ ٹیکی کنگ ءِ پد ءَ چین ءِ شگر ءُ منت وار آں۔ آئی ءَ گوشتگ کہ ویکیسن ءِ در جنگ ءِ واستہ این سی او سی ءِ ارزشتی ایں کرد ءِ است انت۔ آئی ءَ گوشت کہ امیت انت کہ صوبائی سر وزیر آنی سروکی ءَ پاکستانی راج ویکیسن ءَ چہ گیشاں چہ گیش سیت چست کنت۔ آئی ءَ گوشت کہ کورونا ءِ ھلاپ ءَ مئے راستیں ہیروز فرنٹ لائن ہیلتھ ورکرز انت آواں سک با بے دروریں قربانی داتگ۔ بنجاھی وزیر اسد عمر ءَ وتی یک ٹویٹے ءِ اندر ءَ گوشت کہ 65 سال ءُ ایشی ءَ چہ گیش امبر ءِ شہری آناں کورونا ءَ چہ رکھینگ ءِ ویکیشنینش ءِ واستہ رجسٹریشن آیوکیں ھپتگ ءَ بندات کنگ بیت۔ آئی ءَ گوشت کہ اے مردم آنی واستہ مارچ ءَ ویکسی نیشن بندات کنگ بیت ھما کہ رجسٹر بنت۔ ویکسینیشن گامگیجءِ چیر دستی ءَ ، سندھ خیبر پختونخوا، بلوچستان ، گلگت بلتستان ءِ سر وزیر ءُ مزن وزیر آزات کشمیر ءَ جان سلامتی کارندہ آنی ویکسینیشن ءِ بنگیج کت۔ بنجاھ ءِ دست ءِ چیر ءَ توامیں ھند ءُ دمگ آنی اندر ءَ جان سلامتی کارندہ آنی ویکسینیشن یکیں وھد ءَ بندات کنگ بوتگ۔
ایشی ءِ ابید چین ءِ پیپلز لبریشن آرمی ءُ چینی اُلس ءِ واسطہ ویکسین داد کنگ بوت ایش چین ءِ اَرد ءِ نیمگ ءَ سرجمیں دنیا ءَ کجام ہم ملکی ارد ءِ اولی داد اِنت. آئی ایس پی آر ءِ رد ءَ پاک اُرد ءَ (نیشن فرسٹ ” ءِ دود ءَ را محکم داشتگ چین ءِ اُرد ءِ نیمگ ءَ چہ اے داد کتگیں ویکسین فرنٹ لائن ہیلتھ ورکرز ءِ واسطہ راجی ویکسین داد کنگ ءِ فیصلہ کتگ. پاکستان ءِ سلاھ بندیں اُرد ءِ نیمگ ءَ پیپلز لبریشن آرمی ءُ چینی اُلس ءِ نیمگ ءَ ویکسین داد کنگ ءِ پد ءَ گوں دل ءِ جہلانک ءَ شگر ءُ منت گپت…
این سی او سی ءَ نیشنل ویکیسینیشن سٹریٹیجی ءِ چیر دستیء۔ ویکسینیشن ءِ کار رپک ءِ رد ءُ بند کنگ بوتگ ایشی ءِ رد ءَاولی فیز ءَ جان سلامتی کارندہ آنی ویکسین جنگ بیت ۔ دومی فیز ءَ شست سال یا ایشی ءَچہ مزنیں امبر ءِ مردم آناں اے ویکسین جنگ بیت۔ سیمی بھر ءَ ھژدھ سال ءُ ایشی ءَ چہ مزنیں امبر ءِ مردم آناں ویکسین پجاری کنگ بیت۔ کارندہ آں پیسلہ کتگ کہ 18 ساہل ءَ چہ کم امبرے مردم آناں ویکسین جنگ نہ بیت۔ کورونا ویکسین ءِ رجسٹریشین ءُ اے انتظامی ءِ نگرانی ءِ واستہ نیشنل کمانڈ اینڈ آپریشن سینٹر (این سی او سی) ءِ نیمگ ءَ آن لائن پورٹل نیشنل ایمونیزیشن مینجمنٹ سسٹم ای آئی ایم ایس جوڑ کنگ بوتگ۔ آ توامیں مردم ھما کہ وتاراکورونا ویکیسین ءِ واستہ رجسٹر کنائینگ لوٹ انت آواناں کار رپک وتی کنگ لوٹ ایت۔ وتی شناسی کارٹ نمبر آناں وتی موبائل فون ءِ سر ءَ چہ 1166 ٰ ءِ سر ءَ ایس ایم ایس بکن انت۔ رجسٹریشن ءِ وساتہ این آئی ایم ایس ءِ نیمگ ءَ ویب سائٹ ءِ گوما نزیکی ھم کنگ بوت کنت۔
مزن وزیر ءِ ھاسیں کمکار ڈاکٹر فیصل سلطان ءِ رد ءَ اسلام آباد ءپ توامیں صوبگ آں ھوار آزات جموں کشمیر ءُ گلگت بلتستان ءَ فرنٹ لائن ہیلتھ کئیر ورکرز آناں یکیں وھد ءَ ویکسین جنگ ءِ کار بندات بوتگ۔ آئی ءَ گوشت کہ پاکستان ء، 22 کروڑ آباتی ءَ چہ ایوک ءَ 10 کروڑ مردم آناں جنگ بیت۔ اے ویکسین چین ءَ ابید ہنگری ، یو اے ای، ءُ ایندگر ملک آں کامیاتی ءَ گوں بوھگ ءَ انت۔ ویکسین 86 درسد کامیات سہرا بوتگ۔ کاشش انت کہ سال ءِ گڈ ءَ تاں 70 درسد مردم آناں اے رس ات کنت، اے ویکسین ءَ چہ یک روچے ءِ واستہ تپ یا کمو جان درد بوت کنت، آئی ءَ گوشت کہ مردم آناں ویکسن ءِ پجاری ءَ را دل یکیمی جوڑ کنگ ءِ واستہ میکینزم تیار کنگ بوتگ۔
اے ھوالگ ءَ مزن وزیر ءِ ھاسیں کمکار ڈاکٹر فیصل سلطان ءِ گوشت کہ کوویڈ -19 ویکسینیشن والنٹری بنت ءُ ما ا چ کس ءَ ھم ویکسینءِ ڈوز جنگ ءِ واستہ مجبور نہ کناں۔ کورونا ویکسین توامیں سرکاری اسپتال آنی اندر ءَ بے زر ءَ مپت ءَ دستیا ب بنت وھدیکہ فرنٹ لائن میڈیل ورکرز ءُ پیریں شہری آنی واستہ ٹُکہ جنگ ءِ واستہ ویکسین ءِزوتیں رد ءَ کارمردی بندات کنگ بوتگ۔
نیشنل کمانڈ اینڈ آپریشن سینٹر ءَ ویکسینیشن ءِ کار جوانیں نگرانی ءِ واستہ بنجاھی تک ءَ نیشنل ویکسین ایڈ منسٹریشن اینڈ کوآرڈینیشن سیل (این وی اے سی سی ایس) جوڑ کتگ ایشی ءِ گوما چاریں صوبگ آں ھوار آزات جموں کشمیر ءِ صوبائی ویکیسن ایڈمنسٹریشن اینڈ کوآرڈیشین سیل پی وی اے سی سی) بندوک بنت وھدیکہ صوبائی ویکسین ایڈمنسٹریشن اینڈ کوآرڈنیشن سیل ءِ گوما ضلع آنی تہ ءَ جوڑیں ڈسٹرکٹ ویکسین ڈمنسٹریشن اینڈ کوآرڈینیشن سیل بندوک بنت۔ اےمانیٹرنگ میکینزم ءِ جوڑیشت ءِ مول ءُ مراد ضلعی تک ءَ تاں مانیٹرنگ ءِکار ءَ را جوانیں جوڑ کنگی انت تانکہ ویکیسنیشن ءِ کار ءِ تہ ءَ اچ رنگیں پینگ جنگ مہ بیت۔
پمز ہسپتال ءَ ویکیشنین ءِ وساتہ نامینتگیں فوکل پرسن ارم نوید ءَ گوشتگ کہ گوستگیں دو ماہ ءُ نیم ءَ ویکیسن ءِ آیوکیں تیاری کنگ ءَ آں، پمز ءِ 2 ہزار ہیلتھ ورکز کورونا مریض آنی علاج ءَ یل شل ءَ ھوار کنگ ءَ آں اے رجسٹریشن ءِ کار ءَ را سرجم کتگ۔ توامیں ڈاکٹر ، پیرا میڈ یکل سٹاف ءُ ھاسیں کارندہ (عارڈ بوائے، سینیٹری ورکرز، سیکورٹی گارڈ) ءِ نام ضلعی انتظامیہ ءَ را روان داتگ انت، اے کار ءَ ہسپتال انتظامیہ اچ کس ءَ را پیسر ءُ رند ءَ ویکیشن جنگءِ مستری نہ بیت۔ ھرکسی نام ءَضلع انتظامیہ روان دنت آئیءَ را ویکسین جنگ بیت۔
جان سلامتی کارندہ آں امیت سہرا کت کہ دگنیا ءَ کامیاتیں ءُ جوانیں سیتی ویکسین ءِ در جنگ ءَ چہ پد ایشی ءِ آسر ھم باز جوانیں سہرا بنت ءُ اللہ تعالیٰ ءِ فضل ءَ چہ پاکستان ءَ اے ویکسین ءِ کارمردی ءَ چہ کورونا وائرس ءَ چہ رکھینگ ءَ مزنیں کساس ءَ کمک رسیت۔
