اسلام آباد۔ 12 فروری (اے پی پی) صدر آزاد کشمیر سردار مسعود خان پارینے کہ بھارتی غیر کانودی کوزہ ٹی کشمیر اٹی کشمیری تے اوفتا دودوربیدہ، بولی و تیناپیڑی تیا متکن آ میرات آن محروم کننگ انگ ءِ وخت اس کہ آزاد کشمیر اٹی شاردامندر تون اوار ایلو تاریخی ہند آتا رکھ اکن گام گیج کننگ انگ ءِ۔ جمعہ نادے آ تینا ٹویٹ اٹی اوپارے کہ ظلم و بربریت و بیدادی ہندوتوا نظریہ نا اساسی عنصر ءِ ہرانا رخ ءِ داسہ کشمیرنا مسلمان تا کنڈآ کننگانے۔ کشمیری تے اوفتا دودوربیدہ، بولی و تینا پیڑی تیا متکن آ میرات آن محروم کننگ انگ ءِ۔ مقبوضہ جموں و کشمیر نابرعکس نن آزاد کشمیر اٹی تینا یکتا آثار قدیمہ و شاردامندر تون اوار ایلو تاریخی ہند آتا رکھ اکن کوشست کننگ اُن۔ اوپارے کہ بھارت نا غیر کانودی کوزہ ٹی کشمیر اٹی مسلمان آبادی ءِ غیر انسانی ظلم و ستم تون اوار اوار اوفتا دودوربیدہ ئی میرات نا بھس کاری نا ہم مون تروک ءِ، بھارتیہ جنتا پارٹی و آرایس ایس نا حکومت مسلمان تا مذہب و دودوربیدہ تون گنڈوک غٹ علامت آتے چٹفنگ ءِ۔
