عظیم مسخت آتیکن جان تے ندر کروک آ نرزور ورناک قوم انا گل زادہ غاک ءُ، بنجائی وزیرحوالکاری و شینکاری سینیٹر شبلی فراز

اسلام آباد۔ 12فروری (اے پی پی) بنجائی وزیر حوالکاری و شینکاری سینیٹر شبلی فراز پارینے کہ سویلی وزیرستان اٹی 4 فوجی ورناتا شہیدی آ بے حد ڈکھیا ءِ، وطن نا دفاع و ملک اٹی امن نا عظیم مسخت آتیکن تینا جان تے ندرکروک آ نرزور ورناک قوم انا گل زادہ غاک ءُ۔ جمعہ نادے آ تینا ٹویٹ اٹی بنجائی وزیر سینیٹر شبلی فراز شہید آتا خاہوت آتا صبر و جیرت ءِ سلام پیش کرے۔ اوپارے کہ دہشت گرد آتے چٹفنہ۔