اسلام آباد۔ 12 فروری (اے پی پی) وزیراعظم عمران خان نا ویژن ءِ حقیقت نا دروشم اس تننگ کن حکومت ملک اٹی زرکاری،جامع زرگزرانی شونداری، روزگار نا پوسکن ءُ وارخواہی ودی کننگ، صنعتی شونداری و برآمدی پیدوار اٹ ودکی کون آ ہدف آتا دوئی کننگ کن کوشست کننگ ءِ۔ زرکاری بورڈ کمامدارآتارداٹ براہ راست درملکی زرکاری اتنگ کن 5 بشخ آتے اولیت آتیٹی تخنگانے، اقتصادی زونک اسہ شونہال و صنعتی پاکستان نا سوب مریرہ۔ حکومت کاروبار دوست پالیسی مرتب کننگ ءِ، ہرا یقینا براہ راست درملکی زرکاری نا دوئی کننگ اٹ اہم کڑد اس ادا کیک۔ زرکاری بورڈ پنچ بشخ آئی ٹی انڈسٹری، ہاؤسنگ و تعمیرات، فوڈ پراسیسنگ و کشت وکشار، سیل وسوات و لاجسٹک کون آ بشخ آتے مون آ دننگ آ تینا پبی چکار ءِ تخانے، دارداٹ پالیسی فریم ورک انا تشہر تینا ویب سائٹ و ایلو ذریعہ غاتا کمک اٹ کننگک تانکہ ملکی ودرملکی زرکارآتے چندی سیکٹر آتیٹی تروک آ آسراتی و آسودہی تا بابت المی آگاہی فراوان کننگ مرے۔
