اسلام آباد۔ 12 فروری (اے پی پی) سینیٹ نا 11 مارچ آ خورک مروک آ نشست آتیا گچین کاری کن اومیتدار آتا کنڈآن پندار کاغد آتا جمع کرفنگ نا چرجوئی جمعہ نادے آ بناکرے ہرا ہفتہ آ ہم برجاسلک۔ الیکشن کمیشن نا کنڈآن جاری کروک آ سینیٹ گچین کاری نا شیڈول نا رداٹ پندار کاغد آتا جمع کرفوک آ اومیتدار آتا بنائی لڑ 14 فروری آ وخت اس کہ اوفتا جاچ 15 و 16 فروری آ مریک۔ پندار کاغد آتا منظوری یا مسترد کننگ نا برخلاف اپیل 17 فروری آ دائر کننگک وخت اس کہ 19 فروری آ ٹربیونل نا کنڈآن دا اپیل آتے سرتننگک۔ اومیتدار آتا نظرثانی مروک لڑ ءِ 21 فروری آ وخت اس کہ پندار کاغد آتے 22 فروری آ پدی ہلنگ مریک۔ پولنگ 3 مارچ آ مریک۔ ہر چار آ صوبائی اسمبلی و پارلیمںٹ ہاؤس ءِ پولنگ اسٹیشن نا درجہ دوئی مریک۔
