اسلام آباد۔ 12 فروری (اے پی پی) وزیر داخلہ شیخ رشید احمد پارینے کہ پی ڈی ایم پورو کوشست کرے کہ او سرکاری ملازم آتے ہُشکا ایتے، ہراٹی او بھاز بے وڑ بے سہب مس، الحمداللہ وزیراعظم عمران خان درو گریڈ اسٹ آن 19 اسکان بنجائی سرکاری ملازم آتا تنخواہ تیٹی 25 درسد نا ودکی کرے و صوبہ غاتے پارت کرے کہ او ہم ننا پارت آ عمل کننگ نا کوشست کیر، پمز انا ڈاکٹرآک و غٹ آن بھلا ہیت تحریک لبیک پاکستان(ٹی ایل پی) تون ننا معاملہ جوانی اٹ طے مسنے۔ جمعہ نادے آ داخیال آتا درشانی ءِ او تینا اسہ ویڈیو کلہو اسے ٹی کرے۔ شیخ رشید احمد پارے کہ گریڈ اسٹ آن 19 اسکان بنجائی سرکاری ملازم آتا تنخواہ تیٹی 25 درسد ودکی آن بیدس پمز انا ڈاکٹر آتون باندات جوانی اٹ طے مسنے و غٹ آن بھلا ہیت تحریک لبیب پاکستان (ٹی ایل پی) تون ننا معاملہ ہم جوانی اٹ طے مسنے۔ اوپارے کہ ساڑی حکومت ناموس رسالت نا رکھ اکن ہروڑکننگ کن تیار ءِ۔ پی ڈی ایم پورو کوشست کرے کہ او سرکاری ملازم آتے ہُشکا تننگ کے ہراٹی او بھاز بے وڑ بے سہب مس۔ شیخ رشید احمد پارے کہ داچارہ ہم کہ ننا دوک اپوزیشن نا دُزی و لٹ وپل نا سوب آن تفوک ءُ، تدوک آ دے وزیراعظم نالہ لئی کن ہم 70 ارب جاری کننگ نا پرمان جاری کرینے تانکہ اِراسال اٹی نالہ لئی ءِ پورو کننگے۔ وزیر داخلہ پارے کہ داڈٹ راولپنڈی نا نقشہ ءِ بدل کیک و وزیراعظم عمران خان دا ڈٹ آ دمدستی وڑاٹ کاریم نا بناءِ کننگ نا ہم پارت کرینے۔
