اسلام آباد۔ 12 فروری (اے پی پی) پاکستان تحریک انصاف نا راہشون سینیٹر فیصل جاوید پارینے کہ حکومت سینیٹ گچین کاری تیان ہارس ٹریڈنگ نا چٹفنگ کن سنبرینگوک ءِ، بدبختی اٹ اپوزیشن اٹ ساڑی کرپٹ زموار آک دانا کسر اٹ بھلو اڑاند اسے ءُ۔ جمعہ نادے آ نجی ٹی وی تون گپ وتران کرسا اوپارے کہ پی ٹی آئی حکومت وزیراعظم عمران خان نا کماشی ٹی ملک انا ہربشخ آن کرپشن ءِ چٹفک۔ پی ٹی آئی کرپٹ باسک آتے پارٹی آن مست پارٹی آن کشانے۔ اوپارے کہ اوپن بیلٹنگ نا مخالفت آن اپوزیشن جماعت آتا دوآبہ بے نقاب مسنے۔ مسلم لیگ (ن) و پیپلزپارٹی اوپن بیلٹنگ ءِ برخلاف توار ہرفنگ آن پاناد کیر اوفتا سیاسی ساکھ چٹانے سینیٹ گچین کاری نا نا نتیجہ غان اوفتے دانا جوانی اٹ اندازہ مریک۔ سینیٹر فیصل جاوید اومیت نا درشانی ءِ کرے کہ پی ٹی آئی سینیٹ گچین کاری تیٹی سرسہب مریک و ایوان بالا ٹی گیشتری پارٹی مرسا مون آ بریک۔
