اسلام آباد۔ 12 فروری (اے پی پی) بنجائی وزیر ڈٹ بندی، شونداری، اصلاحات و خصوصی گام گیج اسد عمر پارینے کہ سیالکوٹ کھاریاں موٹروے اسہ اہم ءُ ڈٹ اسے و داڑآن پی 3 قومی پروگرام نا جوڑ کننگ اٹ کمک تون اوار اوار آخبت اٹ پین ڈٹ آتا کسر آوار مریک، ننے پی پی پیز تا گچین پنجراس تیار کننگ نا گرج ءِ تانکہ زیات آن زیات زرکاری ءِ متوجہ کننگے، زرکاری آن زیات فائدہ تخنگ آ چکار آن پاکستان اٹ نجی بشخ انا شریداری آن سڑک آتا گچین نظام نا فراوانی ٹی کمک دوئی کننگ مریک۔ داخیال آتا درشانی ءِ بنجائی وزیر ڈٹ بندی ، شونداری وخصوصی گام گیج اسد عمر نا کماشی ٹی پبلک پرائیویٹ پارٹنر شپ انا رداٹ چندی ڈٹ آتا جاچ ءِ ہلنگ کن دیوان اس اڈ ہلک۔ ایڈیشنل سیکرٹری منسٹری آف پلاننگ، چیف ایگزیکٹو آفیسر پبلک پرائیویٹ پارٹنر شپ ملک احمد خان و سینئر عہدیدار آک دیوان اٹی ساڑی ئسر۔ اوڑدہی ٹی سی ای او وزیر ءِ پی پی اے نا چندی انتظامی و آپریشنل امور آن معلومدار کرے۔ احمد خان نیشنل ہائی وے اتھارٹی (این ایچ اے) نا شریداری آن پبلک پرائیویٹ پارٹنر شپ بست وبند آتا رداٹ بی او ٹی بنداو آ این ایچ اے ڈٹ خاص کر سمبڑیال۔ کھاریاں موٹروے آ ہم گپ وتران کرے۔ سی ای او ملک احمد پارے کہ پی 3 اے این ایچ اے تون کمک آن پی پی پی شریداری آن 70 کلومیٹر مریس 4 لین سیالکوٹ کھاریاں شاہراہ نا تفنگ نجی بشخ انا شریداری اٹ جوڑ کننگک، پروجیکٹ نا واپاری فزیبلٹی اسٹڈی این ایچ اے پورو کرینے۔
