اسلام آباد۔12فروری (اے پی پی): وزیر ءِ درئی کار شاہ محمود قریشی ءَ گوں لیبیا ءِ واستہ نامینتگیں پاکستانی سفیر میجر جنرل (ر) راشد جاوید ءَ آدینگ ءِ روچ ءَ وزارت ءِ درئی کار ءَ گند ءُ نند کت۔ وزیر ءِ درئی کار ءَ لیبیا ءِ واستہ بطور سفیر نامینگی ءِ پد ءَ میجر جنرل (ر) راشد جاوید ءَ را مبارک بات دات۔ وزیر ءِ درئی کار ءَ نامینتگیں سفیر ءَ را پاکستان ءُ لیبیا ءِ نیام ءَ دو نیمگی تجارتی ءُ اقتصادی روگ ءُ آیگ آناں گیش برجم کنگ ءِ واستہ کرد ءِ بابت ءَ پنت ءُ شون کت۔ لیبیا ءِ واستہ نامینتگیں پاکستانی سفیر میجر جنرل (ر) راشد جاوید ءَ وزیر ءِ درئی کار ءِ شگر ءُ منت گران ءَ پاکستنا ءُ لیبیا ءِ نیام ءَ دو نیمگی یکوئی آنی گیش شاھیگانی ءِ واستہ توامیں ھاٹیگ آناں کارمرد کنگ ءِ دل یکیمی کنائینت۔
