اسلام آباد۔12فروری (اے پی پی): وزیر ءِ درئی کار مخدوم شاہ محمود قریشی ءَ گوں ویت نام ءِ واستہ پاکستان ءِ نامینتگیں سفیر ثمینہ مہتاب ءَ آدینگ ءِ روچ ءَ وزارت درئی کار ءَ گند ءُ نند کت۔ وزیر درئی کار ءَ ویت نام ءِ واستہ بطور سفیر پوسٹنگ ءِ پد ءَ ثمینہ مہتاب ءَ را مبارک بات دات ءُ گوشت کہ تئی پوسٹنگ تئی وزارت ءِ درئی کار ءَ جوانیں کار کرد ءِ رد ءَ کنگ بوتگ۔ شاہ محمود قریشی ءَ گوشت کہ امیت انت کہ تئی پوسٹنگ ءَ چہ پاکستان ءُ ویت نام ءِ نیام ءَ دو نیمگی یکوئی آناں گیش برجم دارگ بیت۔ ویت نام ءِ واستہ نامینتگیں پاکستانی سفیر ثمینہ مہتاب ءَ وزیر ءِ درئی کار ءِ نیمگ ءَ ھاسیں پنت ءُ شون ءِ پد ءَ درئی وزیر ءِ شگر ءُ منت گپت۔
