اسلام آباد۔11فروری (اے پی پی): وزیر ءِ درئی کار مخدوم شاہ محمود قریشی ءَ گوشت کہ وزارت ءِ درئی کار معاشی سفارت کاری ءِ سیم سر آنی در جنگ ءِ واستہ وتی آسرات آنی کارمرد کنگ ءِ واستہ جزمیگ انت، ملکی معیشت ءَ گہتری ءِ وستہ مئے سفیر آناں وتی کرد آناں پیلو کنگ لوٹ ایت۔ پنچ شمبے ءِ روچ ءَ وزیر ءِ درئی کار ءِ سروکی ءَ وزارت درئی کار ءَ یورپی ملک آنی معاشی سفارت کاری ءِ ھوالگ ءَ اولی ورچوئل سفیر آنی دیوان بست ءُ بند کنگ بوت۔ دیوان ءَ سیکرٹری درئی کار سہیل محمود ءُ وزارت ءِ درئی کار ءِ کلانہ ایں اپسرگ وھدیکہ آسٹریا، بیلجیئم ، بیلاروس، بوسنیا، بلگاریہ، چیک ریپبلک، ڈنمارک ، جرمنی ، یونان، ہنگیر، آئیر لینڈ ءُ پرتگال ءَ پوسٹیں پاکستانی سفیر آں وڈیو لنک ءِ وسیلگ ءَ بھر زوری کت۔ ترجمان درئی کارانی کارگس ءِ رد ءَ وزیر ءِ درئی کار مخدوم شاہ محمود قریشی ءَ دیوان ءَ گوں گشتانک دیان ءَ گوشت کہ معاشی سفارت کاری ءِ ارزشت ءِ توک ءِ ھمروچ گیشی بوھگ ءَ انت۔ شاہ محمود قریشی ءَ گوشت کہ ایشی ءَ چہ پیسر ما افریقی ملک آںی گوما معاشی سفارت کاری ءِ بنگیج کتگ۔ افریقی ملک آنی تہ ءَ پوسٹیں مئے سفیر ءُ سفارت خانہ آں جوانیں کار ءِ سبب ءَ دلبڈیں آسر دیم ءَ سہرا بوتگ۔
