مزن وزیر عمران خان ءَ نالہ لئی منصوبگ ءِ منظوری دات، کار زوت بندات کنگ ءِ پنت ءُ شون

اسلام آباد۔11فروری (اے پی پی): مزن وزیر عمران خان ءَ نالہ لئی منصوبگ ءِ منظوری دیان ءَ زوت کار بندات کنگ ءِ پنت ءُ شون کتگ، منصوبگ ءِ  کچ ءُ کساس 75 ارب کلدار انت ءُ اے منصوبگ 2 سال ءَ سرجم کنگ بیت، منصوبگ ءِ چیر دستی ءَ نالہ لئی ءِ دوئیں  کش ءُ کراں ایکسپریس وے جوڑ کنگ بیت، منصوبگ ءَ را پبلک پرائیویٹ پارٹنر شپ ءِ چیر دستی ءَ سرجم کنگ بیت۔  مزن وزیر ءَ اے منظوری پنچ شمبے ءِ روچ ءَ نالہ لئی منصوبگ ءِ ھولگ ءَ دیوان ءِ سروکی ءَ کنان ءَ کت۔ دیوان ءَ وزیر ءِ توکی کار شیخ رشید احمد ءُ کلانہ ایں اپسرگ آں بھر زوری کنان ءَ کت۔ دیوان ءَ وزیر ءِ توکی کار شیخ رشید احمد ءُ کلانہ ایں اپسرگ آں شرکت کت وھدیکہ   سروزیر پنجاپ ءِ ھاسیں کمکار ڈاکٹر سلمان شاہ ءُ چیف سیکرٹری  پنجاپ ءَ ویڈیو لنک ءِ وسیلگ ءَ دیوان  ءَ  بھر زوری کت۔   دیوان ءَ مزن وزیر ءَ نالہ لئی منصوبگ ءِ  منظوری داتگ، اے منصوبگ ءِ کچ ءُ کساس 75 ارب کلدار انت،  اے منصوبگ  دو سال ءَ سرجم کنگ بیت، اے منصوبگ ءِ چیر دستی ءَ نالہ لئی ءِ دوئیں نیمگ ءَ ایکسپریس وے جوڑ  کنگ بیت، سرکاری زمین ءِ  سر ءَ دو مال  جوڑ کنگ بیت، منصوبگ ءَ را پبلک پرائیوٹ پارٹنر شپ ماڈل ءِ چیر دستی ءَ سرجم کنگ بیت۔   مزن وزیر ءَ منصوبگ ءِ زوت کار کنگ ءِ پنت ءُ شون کت۔ مزن وزیر ءَ گوشت کہ اے منصوبگ ءِ گوما سیادی داروکیں  دمگ آنی زوننگ ءُ اے ھوالگ ءَ بائی لاز (جھلی تک ءِ کانود) آنی تہ ءَ مٹ ءُ بدلی ھم لستیں ھپتگ آنی سر ءَ سرجم کنگ بہ بیت تانکہ ایکسپریس وے ءِ دوئیں نیمگ ءَ  ٹوھ ٹوھیں   کمرشل مارکیٹس جوڑ  بہ بیت۔  آئی ءَ گوشت کہ راولپنڈی ءِ جیڈھ آنی گیوار کنگ اولی کار انت، منصوبگ راولپنڈی شہر ءِ ٹرانسفارمیشن ءَ یک ٹوھیں بن ھشت  ءِ سہرا بیت۔ مزن وزیر ءَ  را راولپنڈی رنگ روڈ منصوبگ ءُ ایشی یے دیمروئی کار آنی ھوالگ ءَ سرجمیں رنگ ءَ بریفنگ دیگ بوت۔