راولپنڈی۔ 11 فروری (اے پی پی) پاکستان اسہ پین ءُ مزل اسے آن گدرینگسا کروز میزائل بابر نا سرسہب آزموندہ ءِ کرینے، دا میزائل نا رینج 450 کلومیٹر ءِ ہراکہ زمین وسمندر آن ہدف ءِ سرسہبی اٹ نشانہ کننگ کیک۔ آئی ایس پی آر نا رداٹ چیئرمین نیسکام ڈاکٹر رضا ثمر، کمانڈر آرمی اسٹریٹجک فورسز کمانڈ لیفٹیننٹ جنرل محمد علی، سٹریٹجک ڈویژن نا سینئر آفیسرآک، سائنسدان و انجینئرآک میزائل آزموندہ نا وخت آ ساڑی ئسر۔ چیئرمین نیسکام آرمی سٹریٹجک فورس آتا تربیت و آپریشنل تیاری تا آب انا ستاءِ کرے و پاکستان نا اسٹریٹجک لائخی ٹی ودکی کن سائنسدان و انجینئر آتا کمکاری نا ستاءِ کرے۔ صدر مملکت ڈاکٹر عارف علوی، وزیراعظم عمران خان، چیئرمین جوائنٹ چیفس آف اسٹاف کمیٹی جنرل ندیم رضا و سروسز چیفس کروز میزائل بابر نا سرسہب آزموندہ غا مبارکبادی تسر۔
