اقوام متحدہ۔ 11 فروری (اے پی پی) پاکستان تینا داڑے دہشت گرد آتا رکھوک ٹھکانہ غاتا ساڑی گری نا بارواٹی بھارت نا دروغ انا دعویٰ تے مسترد کرسا سلامتی کونسل نا طالبان کمیٹی نا سروک نا حیثیت اٹ بھارت نا پن انا بے کنڈ ہلنگ آ سوج ہرفینے۔ اقوام متحدہ ٹی پاکستان نا آخبتی مندوب منیر اکرم تدوک آ دے اقوام متحدہ نا سلامتی کونسل اٹ یواین کونسل آف کاؤنٹرٹیرارزم (یواین او سی ٹی) نا سروک ولادی میر وورونکوف نا کنڈآن سلامتی کونسل ءِ دہشت گردی نا برخلاف متحدہ سلنگ نا بابت حوال آن پد بھارتی سفارتکار ٹی ایس تریمورتی نا کنڈآن خلوک آ دوبہ غاتا ورندی ٹی تینا ٹویٹ آتیٹی پارینے کہ اقوام متحدہ نا ساڑی آ رپورٹ ہراڑے دہشت گردی نا برخلاف پاکستان نا کوشست و گام گیج آتا توثیق ءِ ہموڑے پاکستان نا برخلاف بھارت نا دروغ و غلط دعویٰ تیا مبنی بیان اقوام متحدہ نا رپورٹ آتے کوش ترسا پیش کننگ و پاکستان نا برخلاف پروپیگنڈا و غلط معلومداری آ مبنی اونا مہم نا بے سہبی و اونا مایوسی نا ڈیک ءِ ہم ایتک اوکان پد 15 باسکی سلامتی کونسل نا طالبان کمیٹی نا سروک نا حیثیت اٹ بھارت نا پن انا بے کنڈ ہلنگ آ سوج بش کرینے۔ اوتینا ٹویٹ اٹی پارے کہ سلامتی کونسل اٹ بھارت نا بیان اوغانستان اٹی برجا امن عمل نا کسر اٹ اڑاند شاغنگ کن اونا کڑد انا پیدوار درشانی ءِ۔

متعلقہ مضامینمصنف کی طرف سے مزید