اسلام آباد۔11فروری (اے پی پی):سپریم کورٹ ءَ سینیٹ گچین کاری اوپن بیلٹ ءِ وسیلگ ءَ کنائینگ ءِ ھوالگ ءَ جم کنائینگ ءِ ھوالگ ءَ جم کنائینگ ءِ صدارتی ریفرنس ءِ سر ءَ گوشداری آیوکیں دو شمبےءَ 15 فروری ءَ تاں مھتل کتگ۔ پنچ شمبے ءَ چیف جسٹس گلزار احمد ءِ سروکی ءَ پنچ باسکی لارجر بینچ ءَ سیادی داروکیں جیڈھ آنی سر ءَ گوشداری کت۔ گوشداری ءِ ساھت ءَ اٹارنی جنرل ءَ دلیل دات کہ منی گپ بلدیاتی گچین کاری ءَ بوتگ ھما اے ریفرنس ءَ انت، پیپلز پارٹی ءَ وتی بن گپ ءَ را مٹ کتگ منی گپ مرچی ھم ھما انت، سینیٹ ءِ گچین کار ی ءِ ھوالگ ءَ آرٹیکل 226 جنگ نہ بیت، بلدیاتی گچین کار ی ءِ سر ءَ کانود ءُ الیکشن ایکٹ ءِ بندش نہ بیت، کانود ءُ آئین بلدیاتی گچین کاریءَ را سرجمیں میکانزم پجاری کنت انت، بلوچستان ءُ سندھ ہائیکورٹس ءَ لوکل حکومت ءِ کارندہ آں الیکشن سیکرٹ نامینت، بلدیاتی گچین کاری ءِ سر ءَ ھم آرٹیکل 226 ءِ بندش نہ بیت، سینٹ ءُ اسمبلی ءِ گچین کاری کانود ءِ چیر دستی ءَ بہ بوت انت گڈا الیکشن ایکٹ ءِ ضلورت نہ بوتگ انت، کانود ءِ چیر دستی ءَ بوھوکیں گچین کاری یے الیکشن ایکٹ ءِ تران ھم نیست انت، الیکشن ایکٹ ءَ را ھلاس بکن آں گڈا سینٹ گچین کاری ممکن نہ بیت، سینٹ ءَ گوستگیں گچین کاری ءَ را چیر اندریں رنگ ءَ وتی دل دوست ءَ را گچین کنگ ءِ کانود ءِ ٹک 122 ءِ چیر دستی بوتگ۔ ایشی ءِ ھوالگ ءَ جسٹس اعجاز الاحسن ءَ ریمارکس دات کہ کانود جوڑ کنوکیں مردم آں چیر اندری ءَ گچین کنگ ءِ کانود ءِ ٹک ھوار کتگ بوتگ، کانود جوڑ کنوک آنی مستری چیر اندریں رنگ ءَ ووٹنگ ءَ را برجا بہ دار آں یا ناں، آرٹیکل 140 اے رد ءَ پراھ ءُ شاھیگان انت کہ ھندی حکومت کانود ءِ چیر دستی ءَ جوڑ بنت۔ گوشداری ءِ ساھت ءَ چیف جسٹس ءَ ریمارکس دات کہ بلدیاتی ادارگ آنی تران کانود ءِ آرٹیکل 7 ءَ انت آرٹیکل 140 اے ءَ ایشرا نوکیں زرمبش ءِ مان کتگ۔ اے ساھت ءَ چیف جسٹس ءَ ریمارکس دات کہ بلدیاتی ادارگ آنی تران کانود ءِ آرٹیکل 7 ءَ انت آرٹیکل 140 اے ءَ ایشرا نوکیں زندمان ءِ بکشاتگ۔ اے ساھت ءَ چیف جسٹس گلزار احمد ءَ الیکشن کمیشن ءِ وکیل ءَ گوشت کہ الیکشن کمیشن ءَ چتوریں شیڈول ءَ جوڑ کتگ۔ ایشی ءِ پسو ءَ الیکشن کمیشن ءِ وکیل ءَ آمید گس ءَ را گوشت کہ الیکشن کمیشن ءَ سینٹ الیکشن ءِ واستہ شیڈول ءِ نوٹیفیکیشن جاڑی کتگ، (مرچی) آدینگ ءِ روچ ءَ چہ شیڈول ءِ رد ءَ اسمبلی ءِ باسک وتی نامینگی کاگد آں جم کنائینت کت کناں، سینٹ گچین کاری ءِ واستہ گوزوکیں سال 3 مارچ گیشینگ بوتگ، آمید گس ءَ گوشت کہ الیکشن کمیشن ءَ را بیلٹ پیپرز چپائینگ ءُ ایندگر تیاری آنی واستہ الکاپیں وھد دیگ بہ بیت۔ ایشی ءِ پد ءَ چیف جسٹس گلزار احمد ءَ الیکشن کمیشن ءِ وکیل ءَ را دلگوش کنان ءَ گوشت کہ ریمارکس دات کہ شما شیڈول ءِ رد ءَ وتی کار بندات بکن انت پیسلہ دیگ آمید گس ءِ کار انت، الیکشن اوپن بیلٹ ءَ چہ بنت یا چیروکائی ٹپہ جنگ ءُ گچین کنگ ءَ چہ پیسر آمید گس گیشینتگیں وھد ءُ پاس ءَ وتی پیسلہ ءَ دنت۔ آمید گس ءَ گوشداری 15 فروری ءَ تاں مھتل داران ءَ گوشت کہ آیوکیں گوشداری ءَ اٹارنی جنرل پانزدھ منٹ ءَ وتی دلیل آں سرجم کنت انت، اٹارنی جنرل ءَ چہ پد سینیٹر رضا ربانی دلیل دنت انت، میاں رضا ربانی ءَ چہ پد چاریں صوبگ آنی ایڈوکیٹ جنرل آمید گس ءِ دیم ءَ دلیل دینت۔
