اسلام آباد۔10فروری (اے پی پی): مزن وزیر عمران خان ءَ گشتگ کہ سینیٹءِ گچین کاری ءِ ھاترءَ سیاستانانی یک پِڑیے جوڑبوتگ، 30 سالاں چہ سینیٹ الیکشن ءَ ووٹ بہا بنت، بلوچستان ءَ سینیٹ ءِ یک سیٹ ءِ نیاد 50 تاں 70 کروڑ کلدار اِنت، پنچ سال پیسر منا وتءَ سینیٹ گیچن کار ی ءَ پیسہ دیئگ ءِ صلہ جنگ بوتگ، پہ پیسہ ءِ سرءَ سینیٹر جوڑبوہوک تنا پیسہ جوڑ کنت، گوست ءَ اوپن بیلٹ ءِلوٹ کنوک مرچی چیا پُشت ءَ کِنزگ ءَ اَنت، سینیٹ الیکشن اگاں اوپن بیلٹ ءَ چہ مابنت گڑا اپوشن والا گرواں، پی ڈی ایم دُزی ءَ را چیردیئگ ءِ ھاترءَ یونین جوڑبوتگ، برآمدات گیش بوہگ ءَچہ کدار ءِ نیاد گیش محکم بیت ءُ گران نیادی کم بیت۔ آئی ءَ اے ھیالانی درشانی چارشمبے ءِ روچءَ کلر سیداں ءَ گوں صحافی آں گپ ءُ تران کنان ءَکتگ۔ مزن وزیر عمران خان ءَ گشتگ کہ پہ رشوت دیئگ ءَ سینیٹر جوڑ بوہگ ءُ ایم پی ایز ءِ ضمیر بہا کنگ ءِ اے بیپار ءَرا 30 سال اِنت ءُ درستاں چہ مستریں جُست اِیش انت کہ ایشیءِ تہا سیاسی سروکاں ہم زررسیت۔ مز ن وزیرءَ گشتگ کہ من ءَوت پنچ سال پیسر سینیٹ گچین کار یءَ زر دیئگ ءِ صلہ جنگ بوتگ۔ مزن وزیر عمران خا نءَگشتگ کہ ہرکس ءَ کہ اے وڑیں کار کتگ ما آ چہ وتی پارٹی ءَ درکتگ اَنت، آئی ءَ گشتگ کہ اگاں ویڈیو بوتیں گڑا آمیدگس ءَ برگ بیت ، ویڈیو پیش دارگ ءُ کیس ہلاس کنگ بوت۔ مزن وزیر عمران خان ءَ گشتگ کہ اے دُزءُڈُنگ وتءَرا سیاست دان گشاںءُ پی ڈی ایم وتی دُزی ءَ را رکینگ ءِ ھاترءَ یونین جوڑبوتگ، آیاں جست کنگ بہ بیت کہ 30 سالاں چہ شما حکومتءِ تہا بوتگ اِت پرچا ووٹانی اے بہاءُ سیم دارگ نابوتگ۔آئی ءَ گشتگ کہ سینیٹ ءِ گچین کاری ءِ ھاترءَ سیاست دانانی یک منڈیے جوڑ بوتگ، مارا اے ھیال دارگی اِنت مارا اے وڑیں کرپٹ سسٹم ءِ ردءَ سینیٹءِ گچین کاری کنگ نااِنت، دوئیں مزنیں گلاں میثاق جمہوریت ءِ تہا گشتگ کہ اوپن بیلٹنگ بہ بیت۔ یک دگہ جستے ءِ پسوءَ مزن وزیر ءَگشتگ کہ گیرآرگ بہ بیت کہ اگاں اوپن بیلٹنگ نابوت گڑا اپوزیشن والا گرواں، سیکرٹ ووٹنگ ءِ تہا حکومت ءَ را چہ اپوزیشن ءَگیش سییٹ رسیت۔ ایشی ءَابید آئی ءَ گشتگ کہ کلدار ءِ نیاد گیش بوہگ ءَ گران نیادی گیش بوتگ چیا کہ مے درآمدات گیش اَنت، پیپلز پارٹی ءِ دور ءَ کلدارءِ نیاد 25 درسد کم بوتگ ءُ گران بہاہی ءِ تہا ہم 25 درسد کم بوتگ، انوگیں حکومت ءِ وہد ءَ کلدارءِ نیادءَ 24.5 درسد کمی بوتگ، گران بہاہی ہمے ھاترءَ بیت کہ مے درآمدات گیش بنت ءُ ڈالرڈن ءَ رؤت، وہدے ڈالرءِ کمی بیت گڑا کلدار ءِ نیاد جہل کپیت ، تیل گران بوہگءَ کرایہ گیش بنت، بجلی ءُ گیس ہم گران بنت۔ کرکٹ ءِہوالگءَیک جستے ءِ پسوءَ مزن وزیر ءَگشتگ کہ قومی کرکٹ ٹیم ءَ راباج بارگ ءِ مراد باتءَ پیش کناں، دزگٹی ءِ سببءَ لیب چارگ ءِ موہ نابوتگ، آئی ءَ گشتگ کہ بھارت ءَ وتی کرکٹ سٹرکچر شر کتگ ءُ بھارتی ڈیم دنیاءِ جوان تریں ٹیم جوڑ بوہگ ءَ اِنت، مے ملک ءَٹیلنٹ گیشتر اِنت، مارا گیش کرد پیش دارگی اِنت، نوں کرکٹ ءِ بنکی ڈھانچہ جوان کنگ بوتگ، ٹیلنٹ ءَ را جوان تر کنگ ءِ ھاترءَ کمو وہد لوٹ ایت، انشاءاللہ مے ٹیم دنیاءِ جوان تریں ٹیم جوڑ بیت۔
