کلرسیداں(راولپنڈی)۔10فروری (اے پی پی): مزن وزیر عمران خان ءَ گوشت کہ بزگریں ءُ ھمزوریں تبک ءَ را ملی کمک ءِ پجاری حکومت ءِ زمہ واری انت، ایش اچ کس ءِ احسان نہ انت، بزگریں مردم آناں وتی پاد آنی سر ءَ اوشتارینگ ءُ کسانیں کاروبار ءِ واستہ کمک کناں، بزگر آناں آوانی ھک رسانی ءِ واستہ ساپ ءُ سلہ ایں کار رپک وتی کنگ بوتگ، سیر لاپیں مرددم آناں احساس پروگرام ءِ لڑ ءَ چہ در کنگ بوتگ، مپت ءَ علاج ءِ واستہ ھمزوریں تبک ءِ مردم آناں ہیلتھ کارڈ ءِ آسراتی پجاری کنگ ءَ آں، نوکیں پاکستان ہائوسنگ سکیم ءِ سر ءَ کار جاڑی انت، این جی او آنی گوما یکجا بوھان ءَ بزگر آناں گس پجاری کنگ بیت، احساس کفالت پروگرام ءِ دومی فیز ءَ 70 لکھ بزگریں ھاندان ءَ را ساپ ءُ سلہ ایں کار رپک ءَ گوں زر بھر ءُ بانگ کنگ بیت۔ آئی ءَ اے ھیالانی درشانی چار شمبے ءَ کلر سیداں ءَ احساس کفالت پروگرام ءِ دومی فیز ءِ بنگیج ءِ موہ ءَ تران کنان ءَ کت۔ مزن وزیر ءِ ھمبراھ آئی ھاسیں کمکار ڈاکٹر ثانیہ نشتر ھم ساڑی ات۔ مزن وزیر عمران خان ءَ گوشت کہ احساس پروگرام ءِ چیر دستی ءَ مالی کمک چاگرد ءِ اے ھمزوریں ءُ بزگریں مردم آناں پجاری حکومت ءِ احسان نہ انت بلکینگ ءَ فرض انت۔
