کلرسیداں(راولپنڈی)۔ 10 فروری (اے پی پی) وزیراعظم نا خصوصی کمکار تخفیف نیزگاری و راجی رکھ ڈاکٹر ثانیہ نشتر پارینے کہ احساس پروگرام نا رداٹ حقدار آتاتعین ءِ کننگ کن سروے کننگ انگ ءِ، احساس کفالت پروگرام آن 70 لکھ خاہوت فائدہ ہرفرہ۔ داخیال آتا درشانی ءِ او چارشنبے نادے آ کلرسیداں ٹی احساس کفالت پروگرام نا ارٹ میکو ریسہ نا بناء نا وخت آ وزیراعظم عمران خان ءِ حوال ترسا کرے۔ اوپارے کہ احساس پروگرام نا رداٹ زر تس انا ارٹمیکو ریسہ نا بنامننگ ءِ، احساس کفالت پروگرام نا رداٹ ہفتاد لکھ خاہوت فائدہ ہرفرہ۔ احساس پروگرام اٹ شفافیت ءِ پک کننگا۔ اوپارے کہ احساس پروگرام نا رداٹ حقدار آتا تعین ءِ کننگ کن سروے کننگ انگ ءِ، ہڑدے ئی بنداو آ حقدار بندغ آتے ایس ایم ایس نا کمک اٹ معلومدار کننگک۔
