اسلام آباد۔ 10 فروری (اے پی پی) بنجائی وزیر مذہبی امور نورالحق قادری پارینے کہ لگک کہ آخبت حج ہم ریگولر وڑانا مفک، سعودی حکومت حج بست وبند آتا بابت ننے انتنظار کننگ نا پارینے، فضل الرحمان ہر گڑا ءِ سیاست نا گواچی کیک، تحریک لبیک تون معاملہ ءِ افہام و تفہیم اٹ ایسر کننگک۔ چارشنبے نادے آ بنجائی تعلیمی بورڈ اٹی مدرسہ دینیہ نا سند بشخنگ ناوخت آ میڈیا تون گپ وتران کرسا نورالحق قادری پارے کہ نن حج انا بابت الس نا گڑتی آن معلومدار اُن و سعودی کمامدارآتون پدریسہ رابطہ ٹی اُن، لگک کہ داوار ہم ریگولر حج مننگ کپ ولے داوار شاید حاجی تا کچ انا تدوک آ وار آن زیات مریک۔ ننےسعودی کمامدارآک پارینو کہ داسکان حاجی تیان درخواست ہلپبو، ہراتم اسکان کچ ننا مون آ بفک ہمووخت اسکان ایئرلائن آتون ہیت کننگ نا فائدہ اف۔ اوپارے کہ سعودی کمامدارآتون داسکان حج انا بابت ایم اویو سائن متنے۔ اوپارے کہ مولانا فضل الرحمان سیاسی ءُ بندغ اسے ولے ہر گڑا ءِ سیاست نا گواچی کیک، عمران خان نا سیاسی پیشن گوئیک حقیقت مرسا مون آ بننگ ءُ۔ اوپارے کہ اوپن بیلٹنگ آن سینیٹ گچین کاری ہنداخاطرآن ءُ، سیاسی فضا داسہ گرم مننگ نا جاگہ غا یخ مننگ ءِ، پی ڈی ایم نا پوفاک آن ہوا پیش تمنگ ءِ۔ تحریک لبیک نا 16 فروری آ برانزی کال انا بارواٹی اوپارے کہ معاملہ ءِ ایسر کننگک، نن افہام و تفہیم اٹ مون آ کانہ۔ دود آن تران کرسا اوپارے کہ آئمہ و حکومت نا نیام اٹ خلیج ءِ چٹفنگ انگ ءِ، وزیر تعلیم شفقت محمود پارے کہ نن ریاست و مدرسہ غاتا نیام اٹ خلیج ءِ چٹفین۔ دود اٹی مدرسہ دینیہ ٹی سند بشخنگا۔
