گورنر بلوچستان امان اللہ یاسین زئی نا گورنر ہاؤس کوئٹہ پی اےایف ایئروار کالج کورس انا زیر تربیت آفیسر آتون اوڑدہی ٹی گپ وتران

کوئٹہ۔ 10 فروری (اے پی پی) گورنر بلوچستان امان اللہ یاسین زئی پارینے کہ چائنا پاکستان اقتصادی راہداری تون اوار مچ آ ڈیہہ کن گیم چینجر نا حیثیت تخک، ننے تینا ادارہ غاتیا فخر ءِ و داہیت نن غٹ اکن گمر نا سوب ءِ کہ اینو ننا ادارہ غاتیٹی ایلو ملک آتیان آفیسر آک تربیت ہلنگ کن بریرہ۔ داخیال آتا درشانی ءِ او چارشنبے نادے آ گورنر ہاؤس کوئٹہ پی اے ایف ایئر وار کالج کورس انا زیر تربیت آفیسر آتون اوڑدہی ٹی گپ وتران کرسا پارے، ہرافتا کماشی ءِ ایئر کموڈور کاشف جمال کریکہ۔ اوڑدہی ٹی پی اے ایف ایئر وار کالج کورس اٹی بشخ ہلوک آک سی پیک، بلوچستان اٹی برجا شونداری عمل، امن و ایمنی نا حالیت، فنی وتیکنیکی مہارت ہیل تروک آ ہند، کشت وکشار و لائیو اسٹاک نا بابت سوج کریر،ہرافتا گورنر بلوچستان سرجم ورندی ءِ تس۔ پی اے ایف ایئر وار کالج کورس اٹی بشخ ہلوک آتون گپ وتران کرسا پارے کہ بلوچستان قدرتی وسیلہ و معدنیات آن شُپ ءُ صوبہ اسے و داڑے زیات رقبہ و تالان مروک آبادی نا سوب آن الس ءِ بنداوی آسراتی اوفتا درگہ غا سرکننگ مشکل ءُ کاریم اسے۔ اوغانستان و ایران تون مریس سیم تخنگ آن پد ہم بلوچستان اٹی سیکورٹی ادارہ غاتا قربانی تیان امن و ایمنی نا حالیت مستین نا مقابلہ ٹی بھاز جوان ءِ۔ گورنر امان اللہ یاسین زئی پارے کہ بلوچستان اٹی زرکاری نا دوئی وارخواہی تیان پبی فائدہ ہرفنگ کیرہ۔ اسہ سوج اسے نا ورندی ٹی گورنر بلوچستان پارے کہ ودوک آ السی گرج آتے مون آ تخسا کشت وکشار و مالداری نا بشخ آ پبی چکار کروئی مریک۔ ایسر اٹ مہمانک اسہ ایلو ءِ یات گاری شیلڈ تسر۔