کوئٹہ۔ 09 فروری (اے پی پی) تبلیغی جماعت نا مسہ دے ئی سالانہ اجتماع سے شنبے نادے آ ڈھاڈر بولان اٹی بناکرینے، اجتماع ٹی مچ آ بلوچستان نا مر مر انگا علاقہ غاتا لکھ آ بندغ، عالم دین تتون اوار غٹ بشخ آتا مخلوق شریک ءُ، عالم دین، مشائخ تینا بیان و خطبہ غاتیٹی دین مبین نا اکثر سرحال آتیا تران کیرہ و داوخت آ پاکستان یکجہتی سوگوی، سالمیت و امن و ایمنی کن خصوصی دعا کننگک۔ وخت اس کہ 12 فروری آ تبلیغی اجتماع نا ایسر آ خصوصی دعا کننگک۔ اجتماع نا وخت آ امن و ایمنی کن خصوصی سیکورٹی بست وبندکننگانے وخت اس کہ جان جوڑی و چندی غیر سرکاری تنظیمک میڈیکل کیمپ جوڑ کرینو۔
