اسلام آباد۔ 09 فروری (اے پی پی) گوادر اٹی جہانی وڑانا بالی پٹ انا تفنگ ترندی اٹ برجاءِ، گوادر ایئر پورٹ نا تفنگ آن شار شونداری نا پوسکن آ دور اٹ اوار مریک۔ سی پیک اتھارٹی کمامدارآتارداٹ پاک چین اقتصادی راہداری ڈٹ انا رداٹ گوادر شار ءِ مرکزی اہمیت اس دوئی ءِ۔ گوادر اٹی جہانی وڑانا بالی پٹ مننگ ہم بھاز المی ئس۔ گوادر انٹرنیشنل بالی پٹ انا تفنگ نا بنا تدوک آ سال مسوسس و ڈٹ آ کاریم زور و شور اٹ برجاءِ۔ گوادر ءِ ہم لینڈنگ و A380نا پوسکن انگا بالی پٹ انا رن وے آ دنیا نا غٹ آن بھلا مسافر بردار جہاز ٹیک آف نا آسراتی ساڑی مریک۔ حکومت گوادر اٹی برجا غٹ شونداری ڈٹ آتے پورو کننگ کن سنبرینگوک ءِ۔ گوادر اٹی 230 ملین ڈالر نا خڑچ آن تفوک آ بالی پٹ گوادر شار و پورٹ اکن پیش خیمہ جوڑ مریک۔ بالی پٹ انا تفنگ آن ہراڑے گوادر جہانی شار انا درجہ دوئی کیک ہموڑے دا ڈٹ آن روزگار نا وارخواہی و شار انا شونداری ٹی بھاز کمکار ہم مریک۔
