اسلام آباد۔ 09 فروری (اے پی پی) بنجائی وزیر امور کشمیر وگلگت بلتستان علی امین خان گنڈاپور پارینے کہ بھارتی سپریم کورٹ نا کنڈآن افضل گرونا عدالتی خون ریاستی دہشت گردی نا پک ءُ شاہدی اسے، افضل گورو نا عدالتی خون آ مچ آ مقبوضہ دامان برانز اٹی ءُ۔ علی امین گنڈاپور افضل گورو نا ہشت می برسی نا وخت آتینا کلہو اٹی اوپارے کہ بھارت نا غٹ ریاستی ادارہ غاک آر ایس ایس نا ہندتوا نظریہ نا ایجنٹ جوڑ مسنو، بھارت نا غیر کانودی کوزہ ٹی کشمیر عدالت آن ایڑتر خون نا اسہ است ہسون درور اس جوڑ مسنے، بھارتی حکومت جعلی مقابلہ غاتیٹی اوار کارندہ غاتے انعام و اعزاز ایتک۔ کشمیری ورنا اطہر مشتاق ءِ بھارتی فوج دسمبر اٹ شہید کرے۔ علی امین گنڈاپور پارے کہ مار انا جہہ جاگہ کننگ نا خواست آ باوہ نا برخلاف دہشت گردی نا تہار کانود نا رداٹ مقدمہ درج کننگا، مقبوضہ کشمیر اٹی ہزار آ گمنام قبر ءُ، گمنام قبر آتا پیدواری ءِ انسانی حق انا ادارہ غاک ہم کرینو، کشمیریک تدوک آ ہفتاد سال آن بے مٹ استقامت و عزم انا درشانی ءِکرینو۔
