اسلام آباد۔ 09 فروری (اے پی پی) چائنا انٹرنیشنل کنٹریکٹرز ایسوسی ایشن(سی ایچ آئی این سی اے) نا چیئرمین فنگ چھیوچن پارینے کہ سی پیک نا رداٹ بنداوی پنجر نا تفنگ اسہ ماڈل اسے نا وڑاٹ مون آبریک۔ سی ایچ آئی این سی اے تدوک آ ہفتہ 2020ء ٹی بی آر آئی ملک آتیٹی مروک آ چینی جہانی ڈٹ آتا شونداری نا خلاصہ ءِ پیش کرے۔ سی ایچ آئی این سی اے نا چیئرمین فنگ چھیوچن پارے کہ بی آرآئی و سی پیک نا رداٹ بنداوی پنجر نا تفنگ کیہی باندات آتیٹی تینا ماڈل ءِ بدل و اپ گریڈ کیک۔ خلاصہ ٹی پاننگانے کہ 1979ء ٹی چین نا پیشن نا ملک معاہدہ غاتا سالانہ خڑچ بیرہ 34 ملین ئس ہرا 2020ء ٹی 20 بلین ڈالر آن گدرینگا، دا کچ تدوک آ 40 سال اٹی 8000گنا زیات ءِ۔ فنگ پارے کہ ایشیاچین نا بنداوی پنجر نا امداد نا غٹ آن زیات فائدہ ہرفوک آ علاقہ ءِ دانا سال 2020ء ٹی جہانی کہول آ پوسکن دستخط مروک و پورو معاہدہ غاتیٹی 50 درسد آن زیات نا بشخ ءِ۔ معاہدہ غاتا اہم میزبان ملک ءُ، پاکستان، بنگلہ دیش و سعودی عرب اوار ءُ۔
