تدوک آ 24 گھنٹہ ٹی کورونا دین انا 1008 کیس، 40 مرک رپورٹ، نیشنل کمانڈ اینڈ آپریشن سینٹر

اسلام آباد۔ 09 فروری (اے پی پی) تدوک آ 24 گھنٹہ ٹی کورونا دین انا سوب آن پنجاب آن پد سندھ اٹی غٹ آن زیات مرک ریکارڈ کننگا۔ مچ آ ملک اٹی تدوک آ 24 گھنٹہ ٹی کورونا دین آن 40 مرک مس ہرافتیان 19 مرک وینٹی لیٹر آتیا ساڑی ناجوڑ آتا ئس۔ نیشنل کمانڈ اینڈ آپریشن سینٹر نا کنڈآن جاری حساب وکتاب نا رداٹ تدوک آ 24 گھنٹہ ٹی مچ آملک اٹی 1 ہزار 8 بندغ نا کوویڈ۔ 19 ٹیسٹ مثبت بس و 40 بندغ دا دین آن زوال کریر ہرافتیان 32 بندغ ہسپتال آتیٹی وخت اس کہ 8 ناجوڑ اُراتیٹی قرنطینہ ٹی دا دین آن زوال کریر۔ ملک انا 4 بھلا شار تیٹی وینٹی لیٹر تیا کوویڈ۔ 19 نا ناجوڑ آتا تناسب نا لحاظ اٹ ملتان اٹی 35 درسد، لاہور اٹی 33 درسد، پشاور اٹی 26 درسد و اسلام آباد اٹی 27 درسد ناجوڑ ءُ۔ ہنداوڑاٹ ملک انا چار بھلا شار تیٹی آکسیجن نا آسراتی والا کٹ آتیا کورونا دین انا مثبت کیس آتا تناسب نا کچ انا لحاظ اٹ پشاور اٹی 41 درسد، ملتان اٹی 32 درسد، کراچی ٹی 24 درسد و راولپنڈی ٹی 25 درسد ناجوڑ ءُ۔ تدوک آ 24 گھنٹہ ٹی کوویڈ۔ 19 نا 31 ہزار 509 ٹیسٹ کننگا ہرافتیان سندھ اٹی 10 ہزار 205، پنجاب اٹی 10 ہزار 858، خیبرپختونخوا ٹی 5 ہزار 703، اسلام آباد اٹی 3 ہزار 557، بلوچستان اٹی 513، گلگت بلتستان اٹی 341، آزاد کشمیر اٹی 332 ٹیسٹ اوار ءُ۔ داتم اسکان مچ آ ملک اٹی کوویڈ۔ 19 آن دراخ جوڑ مروک آتا کچ 5 لکھ 12 ہزار 943 مسنے۔ بلوچستان، گلگت بلتستان و آزاد کشمیر اٹی کوویڈ۔ 19 نا اسہ ناجوڑ اس ہم داوخت آ وینٹی لیٹر آتیا اف وخت اس کہ مچ آ ملک اٹی کوویڈ۔ 19 کن جتا وینٹی لیٹر آتیا 254 ناجوڑ ءُ۔ مچ آ ملک اٹی کوویڈ۔ 149 نا ایکٹیو کیس آتا کچ 31 ہزار 510 ءِ۔ مچ آ ملک اٹی کورونا دین آن زہمی بندغ آتا کچ 5 لکھ 56 ہزار 519 ءِ ہرافتیان آزاد کشمیر اٹی 9 ہزار 238، بلوچستان اٹی 18 ہزار 887، گلگت بلتستان اٹی 4 ہزار 918، اسلام آباد اٹی 42 ہزار 80، خیبر پختونخوا ٹی 68 ہزار 625،پنجاب اٹی 1 لکھ 61 ہزار 347و سندھ اٹی 2 لکھ 51 ہزار 434ناجوڑ ءُ۔ مچ آ ملک اٹی کوویڈ۔ 19 آن زوال کروک آتا کچ 12 ہزار 66 ءِ ہرافتیان سندھ اٹی 4 ہزار 132 نا مرک مس وخت اس کہ تدوک آ 24 گھنٹہ ٹی 8 ناجوڑ ہسپتال آتیٹی وخت اس کہ 5 ناجوڑ اُراتیٹی قرنطینہ ٹی دا دین آن زوال کریر، خیبر پختونخوا ٹی 1 ہزار 964وخت اس کہ تدوک آ 24 گھنٹہ ٹی 7 ناجوڑ ہسپتال آتیٹی دا دین آن زوال کریر، اسلام آباد اٹی ککل 480 مرک، بلوچستان اٹی 196 مرک، گلگت بلتستان اٹی 102 مرک، آزاد کشمیر اٹی دا دین آن 273 مرک وخت اس کہ تدوک آ 24 گھنٹہ ٹی اسہ ناجوڑ اس ہسپتال اٹی دا دین آن زوال کرے، داتم اسکان مچ آ ملک اٹی کوویڈ۔ 19 نا 82 لکھ 56 ہزار 378 ٹیسٹ کننگانے۔ مچ آ ملک اٹی کوویڈ۔ 19 نا درمان کن جتا 631 ہسپتال آتیٹی 2 ہزار 219 ناجوڑ درمان مننگ ءُ۔